2010年2月16日 星期二
2010年2月14日 星期日
2010年2月13日 星期六
關西大阪福井白川京都五天自駕遊 (I)
自從有GPS之後, 自駕遊就變成了旅行嘅首選, 尢其係日本自駕遊, 安全, 乾淨, 好多好野食, 唔識日文都好易玩, 所以今個農曆年都係去日本自駕遊. 九個月前已開始做資料搜集, 第一個版本係三牛之旅, 食晒3款和牛(神户,飛驒,松阪), 第二個版本係瀨户大橋四國祖谷美人溫泉之旅, 之後係大阪能登金澤白川京都, 但大阪去能登車程太長, 回程機位又未確認可以留多一日, 所以到最後就係依家嘅大阪福井白川京都五天遊喇. 比起08年尾去北海道時, D￥由0.072升到依加嘅0.087,高左2成有多, 有D肉赤. 今次主打除左睇風景(白川合掌屋, 京都寺院, 祇園同花見小路), 浸吓個室臨海露天溫泉, 就係食食食, 仲要"地產地食", 黑門市場內嘅河豚料理, 越前海岸嘅越前蟹, 高山嘅飛驒牛, 百年老店三嶋亭嘅頂級和牛壽喜燒, 京都嘅湯葉同漬物和式早餐. Blog 幅所限, 要分三 part 寫, 先黎 part I.
2010年2月3日 星期三
益新 - 名牌老店
年近歲晚約左的Friend食年夜飯, 原本可能有6個但到最後都係得我地鐵三角嘅原班人馬
. 三人行一齊做吓富豪, 去渣甸山食吓富豪街坊菜, 呢間益新其實係名牌老店, 早前位於銅鑼灣洛克道時巳非常出名, 傳統粵菜做得好出色. 消失左一排, 再喺利舞臺廣場出現時已水準不再之後又冇左影. 依家再度開業, 先在跑馬地, 再搬到灣仔同開多一間喺渣甸山, 今晚水準未見特出, 冇嘜驚喜, 而且價錢偏貴, 真正富豪價錢, 街坊質素, 應該都係一次過冇encore嗰隻.
位於渣甸山居民協會內, 幫襯嘅多數都係街坊, 今晚連埋我地都係得4枱客.