日本四國櫻花15天自駕遊(2024) - Day 13 (高知縣)

Day 13 : 琴平花壇旅館(溫泉早餐) - 鞘橋 - 高燈籠 - 鏡野公園 - 牧野公園 - 佐川町の桜並 - 葫蘆櫻公園 - 引地橋の花桃 - 宮の前公園 - 高知餐廳(晚餐) - 帶屋町商店街 - 弘人市場 - 紅橋(播磨屋橋)夜景 - 高知城夜景 - 麥當勞(宵夜)

Day 13 : 今日預測知道天氣會好好, 所以把握時間再回高知縣追看櫻花, 由鏡野公園, 牧野公園,  佐川町の桜並, 葫蘆櫻公園, 引地橋の花桃, 到最後嘅宮の前公園, 滿開嘅櫻花樹真係又靚又優雅, 加埋好天氣真係影得超級開心, 去到高知市又係住番上次嗰間酒店同一間房真係好有趣, 今次行帶屋町商店街嘅弘人市場冇咁多人好行好多, 高知城和紅橋一帶嘅夜景終於有機會影到, 加埋超懷舊嘅土佐電器鐵道, 非常充實, 滿足和豐收的一天.

朝早浸下溫泉飲枝牛奶, 真係嘆.

行出房間露台看日出, 心曠神怡.

到餐廳吃溫泉早餐.

溫泉早餐 - 除了大量沙律配菜及田舍煮物外, 還有烤魚, 大蜆湯及茶碗蒸蛋, 超級滋味.

日式咖啡加鮮奶, 絕配.

餐後到私家花園散步.

跟著到鞘橋附近逛一逛.

返回酒店執拾行李Check-out.

臨走前到酒店紀念品店逛一逛.

第一站到琴平町的高燈籠, 三層樓建築落成於1860年, 達到了27公尺高, 為日本國內最高的木造燈籠. 原本是被設計為指引瀨戶內海水手的燈塔, 他們也以此為向金毘羅獻上祈禱的地標.

路邊也有盛開的枝垂櫻.

下一站駕車由香川縣琴平町到高知縣香美市的鏡野公園, 行車大約1.5小時, 櫻花滿開季節會有人專人安排泊車位置, 秩序井然.

鏡野公園是知名的賞櫻景點, 被選為[日本櫻花名所百選]. 園內種植超過500株櫻花樹, 每年櫻花季, 染井吉野櫻, 八重櫻等不同品種的櫻花, 形成長達2百公尺的櫻花隧道, 所以吸引很多本地人到來賞櫻

雪白的櫻花真心靚.

今日全天候在高知縣追櫻, 所以之後到日高村的道の駅補給糧食.

補給糧食後立即走人, 行車大約1小時到達佐川町的牧野公園. 明治35年牧野富太郎博士 (日本植物學之父, 是高知縣人)將在東京所見到的染井吉野櫻樹苗送給佐川町的民眾, 現在便成為了[櫻花名勝100選]的 牧野公園.

牧野公園入口處有間青源寺.

上次黎天陰有雨影得唔好, 今日再黎補考, 陽光普照和有藍天襯托下的櫻花份外美麗.

本地人喜愛坐在櫻花樹下悠閒地賞櫻.

我地因為要把握好天氣, 所以就在車內午膳 - 櫻饅頭, 以櫻花葉包裹著飯團的時令小食, 很有風味.

日式炒拉麵 - 味道冇得輸.

繼續追櫻, 下一站到附近的佐川町の桜並木, 在春日川沿岸兩旁的櫻花樹, 成為知名的賞櫻景點

佐川町の桜並木 - 櫻花樹下配襯傳統古老電火車, 充滿日本風情話.

滿開的櫻花樹.

寧靜的世外桃源.

再到仁淀川町的葫蘆櫻公園.

入口已有兩棵滿開的紅白櫻花樹互相輝影, 景色無敵.

葫蘆櫻公園內高知縣的指定天然紀念物 - 是有500年歷史的古樹"葫蘆櫻花樹"Hyoutan Cherry Blossom Tree.

從不同角度看, 這棵21公尺高的葫蘆櫻花古樹真是非常優雅, 同時又帶有大自然的震撼感, 不枉我再次到來欣賞.

想不到咁巨型的古樹, 原來花冧是很細少的, 真有趣.

下一站再到仁淀川町的引地橋の花桃.

沿路發現有滿開的櫻花樹地點, 就在越知町的宮の前公園, 當然不能錯過.

天色漸晚, 便在日高村路邊找到一間高知餐廳(レストラン高知現代企業社)吃晚餐.

餐廳主打鯛魚御膳.

餐廳供應嘅菜式種類超多, 目不暇給.

和牛漢堡定食(1,380円) - 以沙律冷盤的吃法, 可去和牛漢堡的油膩感, 清爽得黎又好味.

幕の內御膳(1,750円) - 鯛魚刺身, 蝦天婦羅, 田舍煮物和須崎產乙女鯛魚斧飯, 豐富又美味.

飯後駕車34分鐘到高知市的Richmone Hotel, 放下行李, 到全自動停車場泊車.

在酒店旁的帶屋町商店街逛一逛.

弘人市場內有很多地道土佐料理食店, 上次星期六晚來到人山人口, 嚇到唔敢停留, 今次再黎可睇得清楚一點. 

帶屋町商店街內都有很多餐廳, 明神丸是這裡的名店.

上次黎下著雨, 今晚終於影到紅橋(播磨屋橋)夜景.

紅橋(播磨屋橋) - 麵包超人像與機械音樂鐘.

高知市的超懷舊的土佐電氣鐵道, 是必看的獨特景色.

高知城夜景.

返酒店前在帶屋町商店街的麥當勞買了一個春季限定版的芝士雞蛋牛肉漢堡包(470円)作宵夜. 

睡前生果 - 高知士多啤梨, 香甜果味濃.