2011年8月27日 星期六

稻菊 - 鐵板燒

位於尖東帝宛酒店內嘅稻菊, 多年前食過係佢地嘅Omakase晚餐非常難忘, 尤其係天婦羅更加出色, 日本海蝦活做天婦羅都係佢地引入香港, 海膽天婦羅嘅味道就更加冇得頂. 祇係價錢不便宜, 所以唔能夠成日黎食. 今日乃拍拖27週年大日子, 又有籍口黎食大餐喇, 今次一於試埋佢地嘅鐵板燒, 揀左每位$345嘅牛肉同海鮮鐵板燒午餐, 雖然價錢比晚餐平一大半, 但選用材料相當優質, 鐵板燒師傅水準甚高, 好食到冇朋友.


2011年8月13日 星期六

順德老記 - 街坊小店

位於梭亞道嘅順德老記, 店子不太顯眼, 平時行過路口都唔覺佢存在, 見到飲食男女嘅廣告幾吸引, 今晚就一於行去試吓. 小小店子主要做街坊碟頭飯生意, 菜式選擇不多, 但材料新鮮揀手, 每款小菜都即叫即做, 係一間好用心經營嘅食店, 希望佢可以繼續保持落去.



Related Posts Plugin for WordPress, Blogger...