The Steak House (米芝蓮Lunch Buffet)

今日 26-Dec-2012 Boxing Day 一早訂左洲際酒店內嘅The Steak House 食衹限12月份供應嘅 Holiday Lunch Buffet. 呢度食材優質, 環境舒適, 服務細心, 名副其實米芝蓮級數, 今日都係同樣收HK$498 認真超值, 一個滿足同幸福嘅午餐.

自家製平安夜大餐(2012)

今年平安夜大餐一如以往在家裏自家製造, 所以大部份食材要喺前一天四處搜購, 三文魚子醬油漬同亞拉斯加雪場蟹腳仲喺日本訂購空運到港, 衹留鮮活海產如生蠔及大蜆等要在今天購買, 雖然公司今日無得放早, 但喺公司樓下嘅City Super 買大蜆, 同家裏附近買平靚正嘅生蠔都好方便. 今年比去年少做了一道湯, 但已經飽到食唔落甜品喇.

意大利ROSE - Extra Dry, 有陣陣紅槡梅香味, 凍飲好開胃, 係食生蠔嘅良伴.

天香樓 - 舌尖上的杭州

對天香樓真係又愛又恨, 因為佢地出品嘅杭州菜真係宇宙最強, 好食到無朋友, 但價錢勁貴, 每次黎都覺得好奢侈, 正值大閘蟹季開鑼, 今日又心痕痕黎呢度幫襯, 清清地食左四道小菜加半斤花雕埋單近二仟大元, 完美滿足嘅一餐.

一樂 - 燒鵝肶瀨

位於中環陸羽附近嘅一樂燒鵝, 主打燒味, 尤其係燒鵝最為出色, 同隔離街間鏞記有得揮. 價錢仲平一大截, 名附其實正靚平, 燒鵝肶瀨更係超級無敵之選, 大滿足也.

The Salted Pig - 英式農鄉菜

位於中環SoHo區附近開業無耐嘅 The Salted Pig, 睇個名都知係以豬為主要食材嘅餐廳, 佢地仲會搜羅世界各地最優質嘅豬肉, 做出多款特別菜式, 而且仲充滿英式農鄉風味. 餐廳氣氛好 causal, 令人好舒服, lunch 價錢又好超值, 以下就係一餐稱心如意嘅 lunch, 遲吓可能會試埋呢度嘅晚餐添.

餐廳大門右邊為酒吧, 左邊為餐廳, Counter前有D隻豬形公仔賣, 隻豬好Q同會發出豬叫聲, kawaii 呢.

阿里朗 - 正宗韓國味道

本港韓國菜館真的不少, 而近年坊間仲越開越多, 呢間位於尖咀嘅阿里朗開業已久, 一直都未試過, 因為地點同門面極不顯眼, 有日 Lunch 行過入去一試, 發覺出品好正宗, 選用材料非常優質, 做出地道嘅韓國風味, 所以好多韓國人幫襯, 我地一連食左幾次都好滿意, 呢度勁難Book位, 想幫襯就真係要講吓緣份, 依加HSBC Card 仲有九折, 超抵架.

裝修簡潔乾淨, 環境光猛舒適.

泡菜款式不多, 有韓國人同香港人之分, 我地就比一般泡菜, 味道OK啦.

靚粥工房 - 塔門大尾魷

剛剛睇完J2嘅飲食男女介紹呢間靚粥工房, 背境都幾特別, 主打材料有塔門大尾魷同馬交魚. 今日一於去食吓 Lunch, 小食店式嘅環境加上家庭式嘅出品, 樣樣都做得好用心, 明附其實係平靚正之選.

新志記 - 海鮮 + 小炒

自2007年起已經幫襯嘅新志記海鮮飯店, 主打廣東小炒, 鑊氣一流, 好有大排檔風味, 而且仲有幾款時令燉湯, 火喉十足超好味, 價錢公道, 近排試埋佢地嘅海鮮菜式, 非常揀手嘅海鮮加埋了得嘅廚藝, 明附其實優質出品, 喺呢度食海鮮仲好過去西貢, 秋冬時份佢地嘅正宗生炒腊味糯米飯就更加一絕, 非常值得推介嘅一間海鮮飯店.

海賀 - 鐵板燒

位於尖咀TheOne樓上嘅海賀日本料理, 主打鐵板燒, 一直都想試吓佢地嘅Lunch, book 左幾次都無去食, 今日終於可以一試佢嘅鐵板燒Lunch, 海賀所選嘅材料非常優質, 仲有高水準嘅廚藝,出品好細緻, 除鐵板燒外, 其實和食料理同壽司刺身都唔錯, 依家一個Lunch就可以試芸晒, 每位收貳佰幾都算超值, 非常優質同和味嘅一餐. 

富士之幸 - 一食入魂

位於尖咀嘅富士之幸, 前身乃"花之家", 同樣主打家庭式日本料理, 店內裝修環境同前身一樣. Lunch菜式有好多款選擇, 可以自由組合, 材料優質, 出品有水準, 而且價錢合理, 值得推介嘅一餐.

新斗記 - 手燒乳豬

記得六年幾前新斗記剛開業時聲勢浩大, 因為注明係佐敦新兜記舊伙記主理, 不過試完之後除左手燒乳豬極美味外, 其他菜式就覺得不及舊店, 而且價錢又不便宜, 所以其後都無再幫襯. 今日又係大食3人組揾食日, 想食傳統粵菜, 所以再比多次機會佢啦. 今日除左食佢地嘅招牌手燒乳豬外, 仲有超好味嘅豉油皇煎巨形海花竹蝦, 其餘菜式都尚算滿意, 食得痛快嘅一餐.

Pizza Express - 意大利快餐

位於尖咀嘅Pizza Express, 主打 Pizza菜式, 分厚批薄批同輕盈批, 入門口有個 open kitchen 同大烤爐好吸引, 其實我地都好中意食意大利菜, 因為材料新鮮, 菜式保留原汁原味又不賣弄花巧, 傳統正餐較高雅可以慢慢嘆, 食Pizza就比較causal, 話明 express 就梗係要快, 每次用餐時間個半鍾就要還枱, 此乃時下香港食店嘅獨有怪現象, 因香港寸金尺土租金勁貴, 唯有咁就可以做多2轉生意啦. 幫襯左呢度2次都同樣相當滿意, 材料質優出品高水準, 取價合理, 仲可以欣賞到維港夜景.

大都烤鴨 - 半隻片皮鴨

位於K11嘅大都烤鴨主打當然係片皮鴨, 本港食片皮鴨嘅食店多不勝數, 都係要成隻order, 但係無麥邊間可以叫半隻, 兩個人食一隻太heavy了, 北京樓都要夾到有第2枱同時叫半隻先可以order. 呢度唔衹可以食半隻, 連其他淮揚菜式都相當有水準, 價錢合理, 滿意嘅一頓晚餐. 

澳門摘星之旅(2012)

以往每年都會黎澳門一次, 主要都係食共hea 同感受吓小島風情. 不過自從有左自由行就完全唔同哂. 小島嘅悠閒已變得繁華趨燦, 五光十色, 背後就係人群處處, 冇位食飯, 冇的士搭. 所以我地都絕跡左澳門一排, 係近呢3-4年間先去番. 今年我地結婚25週年, 喺正日攞左假黎澳門玩兩日, 主打係食吓新野同住吓新酒店. Book左銀河大倉酒店嘅商務樓層露台房, 餐廳就預先book左3間唔同菜系嘅, 其中兩間為米芝蓮3星及2星食店, 黎番個摘星美食之旅.

鉅龍 - 龍躉專門店

位於旺角嘅龍躉專門店"鉅龍", 以主打龍躉菜式聞名. 今日3人行一於去試吓, 餐牌上龍躉菜系多不勝數, 反而其他菜式就比較少選擇. 我地今晚都係食番佢嘅招牌菜比較有信心D. 餐廳環境同服務態度都係一般, 唯用料上乘, 出品水準高, 價錢合理, 滿意嘅一餐.

越南2012 - 來去匆匆

又係每年一次越南工務之旅, 今次豪D可以坐商務, 國泰同越南航空都坐埋. 始終國泰嘅商務比越南航空優性, 3日行程來去匆匆, 第2日仲要去來回11小時車程嘅"Tan Chau". 衹可以喺第3朝早D起身行吓市場買手信同試吓上次黎食唔到, 原來超好味嘅越式地道三文治, 此外今次都食左好多地道越南食品.

越南航空, 飛機泊得好遠, 要坐巴士同行樓梯上飛機.

Caprice - 米芝蓮法國菜

貴為全港唯一一間米芝蓮3星法國餐廳, 位於中環四季酒店內嘅Caprice, 訂位食Lunch要早幾個星期. 襯住今日大日子一於去試吓, 無論餐廳環境,食物質素同服務都名附其實米芝蓮3星級數, 比起半島嘅Gaddis更勝一籌, 價錢同級數都無懈可擊.

餐廳環境典雅舒服, 超高樓底, 水晶吊燈, 落地玻璃, 無敵海景, 無懈可擊.

Gaddis - 傳統法國菜

今日農曆生日同時又係星期六假期, 想Hea住咁食個Lunch, 近近地嘅就諗到去半島 Gaddis, 記得上次去巳經係11年前嘅事, 當時Gaddis剛推出Chef Table, 試完感覺非常正斗, 讚嘆不巳. 11年後嘅今日唔坐Chef Table也有一個同樣滿意嘅法國Lunch, 勁開心.

Gaddis 喺半島酒店有獨立門口出入.

伊豆5天自駕遊(Day 5)

Day 5 : (水葉亭 - 熱海城 - 横浜 - 中華街 - 山下公園 - 羽田機場) 

伊豆5天自駕遊(Day 4)

Day 4 : (下田大和館 - 伊豆高原 - 大室山 - さくらの里 - 城崎海岸 - 門脇吊橋 - 伊東道の駅 - 熱海駅前仲見世通 - 水葉亭)

伊豆5天自駕遊(Day 3)

Day 3 : (御宿きむらや旅館「つわぶき亭」- 松崎町花田 - 堂島 - 白浜海水浴場 - 下田駅 - 培利路 - 下田大和館)

伊豆5天自駕遊(Day 2)

Day 2 : (沼津魚市場 - 江間草莓園 - 修善寺 - 西伊豆 - 土肥 - 戀人岬 - 旅人岬 - 御宿きむらや旅館「つわぶき亭」)

伊豆5天自駕遊(Day 1)

今個復活節攞多1日就有6日長假期, 大半年前巳開始籌備呢個日本之旅, 坊間講日本伊豆嘅旅遊書不多, 唯有買日文版睇, 日文版D相片好精美同講得好詳細, 原定5日４晚住喺伊豆東南西北４四邊巳經好足夠, 點知越睇就越多地方想去, 想改玩多1日都巳經冇機位返. 今次整個行程都安排得非常順利, 每日大約2個鍾車程好悠閒, 喺日本自駕遊係一種超舒服嘅享受, 沿途風景優美, 加上5日黎都陽光普照, 天清氣爽, 回程個日仲有時間去埋橫濱, 中華街真係好大同非常熱鬧. 呢次順道睇埋櫻花, 仲見識到花吹雪嘅絕景, 勁開心. 自從知道地產地消嘅概念之後, 今次食好多當地出產嘅生櫻花蝦, 金目鯛, 地魚一夜干, 生長於水深300M嘅巨形高足蟹, 非常美味, 仲有天城山出產嘅新鮮連葉嘅生山葵(Wasabi), 溫室果園即摘即食新鮮香甜多汁嘅草莓, 真正一枝棒也. 3晚溫泉酒店都名有特式, 私人露天風呂睇日落勁正. D ￥嘅滙水超高, 差唔多 HK$1,000=￥10,000, 用得有D肉赤, 不過最肉赤都係跌左枝新買嘅長鏡頭落花田, 整花左.

Day 1 : (曰本羽田機場 - 御殿場 - 沼津港魚市場 - 魚河岸丸天)

EP3 + 14-150mm(一鏡走天崖)

用緊 Olympus EP3 + 12mm 定焦鏡, 今日再用$4,800 買多枝 M. Zuiko Digital ED 14-150mm f4.0-5.6-MSC 鏡頭, 有10倍光學變焦, 影風景更加得心應手. 襯住維園做緊香港花卉展, 一於為日本伊豆之旅前去花卉展影吓鬱金香同風信子, 試吓枝新鏡頭先.  

錦燒鳥 - 日本串燒

坊間的日式串燒店多不勝數但水準參差, 今日試過位於尖東富豪酒店內嘅錦, 主打日式串燒, 燒鳥就更加係招牌菜, 每個部位都可以用作燒烤. 選用嘅材料都非常優質, 加上師傅燒烤手藝不凡, 火喉恰到好處, 每串由拾幾到伍拾幾不等, 價錢合理. 比得上初開張時中環嘅南蠻亭, 係目前最好食嘅日式串燒店.

 

泰國蘇梅曼谷6天遊 ( 曼谷篇)

Day 5 : ( Silavadee Resort Villa No.#5 - 蘇梅機場 - Bangkok - Arnoma - 四面佛 - 唐人街(和成豐) - 水門雞飯)

泰國蘇梅曼谷6天遊 ( 蘇梅Silavadee Resort 篇)

Day 3 : ( Anantara Resort - Silavadee Resort Villa No.#5 - The Height)

泰國蘇梅曼谷6天遊 (蘇梅 Anantara Resort 篇)

今個農曆年攞多2日假就有9日假期, 大半年前已經開始計劃去泰國蘇梅島回程停曼谷順便拜吓四面佛, 6天行程回香港後仲有3日時間休息, 真係十分充裕. 蘇梅島嘅陽光與海灘真係令人心情輕鬆同愉快, 單單係蘇梅機場本身就已經係一個旅遊景點, 建築得好靚同設計到令人好Relax好有渡假Feel. 喺蘇梅島呢4晚都好悠閒因為唔洗Plan行程, 真正食共Hea, 住兩間Resort都各有特式, Anantara係一間設計獨特嘅精品酒店, 有如叢林中嘅營地, 配合無敵海灘同泰式建築風格, 好有Style. 位於Bo Phut Beach 近蘇梅機場同市中心出入比較方便. Silavadee 就位於較遠嘅Lamai Beach, 建於懸崖之上, 好有私隱, 仲有獨立嘅Ocean View Pool Villa超正超舒服, 睇日出就更加無敵, 係過往所住過嘅最勁正一間. 今個旅程除左食泰國菜同海鮮之外, 仲有意大利菜, 同埋喺Six Senses 嘅 Dining on the Rock 食非常特別嘅Modern Interpretive Cuisine, 就像我們的份子料理一樣, 相當有趣嘅全新演繹, 真係一個好好嘅體驗.

Day 1 : ( 香港 -  泰國蘇梅 - Anantara Resort)

安半 - 隱蔽日本私房菜

位於銅鑼灣商厦樓上舖, 地點十分隱蔽嘅一間日本私房菜(安半), 由日本人經營,  老闆兼大廚安部隆孝先生作風低調但有性格, 不願上鏡, 識講小小廣東話, 為人幾風趣幽默. 安半以小店形式經營, 衹得拾零個位, 不設餐牌, 衹做晚市Omakase每位收$750,  菜式隨季節而定, 用料超級新鮮同優質, 出品一絲不苟, 今晚菜式非常豐富, 超級大滿足.  

2012元旦行大運

今日元旦日實行黎個行大運, 先到尖沙咀花之家食日本新年雜煮, 然後去尖沙咀碼頭睇龍獅節大巡遊, 跟住搭渡海小輪過中環, 再飛的去赤柱, 最後落中環來佬餐館食野, 行完蘭桂坊同SoHo區就喺嘉咸街新景記食魚蛋粉, 宵夜就喺自家製XO醬煎餐肉丁麵, 相當多姿多釆.