位於灣仔的留家廚房是一間我們喜愛的米芝蓮粵菜食店, 性價比超高, 閒時我們都會專程到來飲茶吃午餐, 點心即叫即製, 精緻又美味, 小菜粉麵更加優質滋味, 多年來都保持高水準, 疫情期間今天來個快閃午餐, 感覺幸福.
2021年5月4日 星期二
留家廚房(米芝蓮 + 米豬連)
位於灣仔的留家廚房主打傳統粵菜, 以優質食材配合高水準的廚藝做出精美菜式, 午市點心精緻又好味, 早已成為我們最喜愛的午膳飯堂之一. 趁著今日"為食3兄弟"飯聚, 選擇到此店吃晚餐, 回味11年前(2010年)大坑店的滋味, 食得開心滿意的一餐.
===================================================
2020年12月12日 星期六
奔之食堂(酥皮叉燒包)
近排知道尖沙咀太陽廣場地庫大改革後開了多間新食店, 其中一間有米芝蓮添好運點心師博甘哥出品的酥皮叉燒包供應, 已很久沒有試新食店的我, 今日就決定去捧埸. 招牌名物酥皮叉燒包的確非常出色, 其他點心也相當有水準, 店內還有台式飯麵及飲品供應, 是一間令人有驚喜的食堂.
2020年4月29日 星期三
唐人館(米芝蓮點心放題)
自3月底開始尖沙咀海港城內多間食肆都推出了任食放題(All You Can Eat), 包括任食日式煎餃子; 西班牙小食及酒精飲品; 鍋食べ放題; 廣東小菜, 湯品, 飯麵無限任點; 點心無限放送....等等, 當中性價比最高的算是以$138品嚐唐人館的午市點心放題, 在3小時內任點任食50款米芝蓮級數的懷舊美點及主食, 我得知後第一時間打電話訂坐, 可惜打了2天也未能接上, 最後親自到餐廳留下電話待覆, 回覆時最早的日期已是一個月後的今天. 尖沙咀唐人館於2016年開業, 當年試過它的假日早午餐任點任食(http://www.daileghk.com/2016/08/blog-post_28.html), 是個非常滿足的體驗, 所以對此店很有信心. 今日二人一共吃了13款食品, 款款出品都真材實料, 質優味美, 鍋貼蝦多士和招牌揚州炒飯更是人間美味, 每位$138 + $27.50(茶錢)已可落樓, 絕對係物超所值, 開心大滿足的午餐.
===================================================
2020年4月23日 星期四
Involtini Italian Cuisine(米芝蓮+米豬連)
位於銅鑼灣的Involtini Italian Cuisine, 主打優質意大利菜, 又是米芝蓮推介餐廳, 出品的手造意大利幼麵更是必食名物, 今日試了兩款包括新鮮龍蝦海鮮汁及卡邦尼意大利幼麵都非常有驚喜, 優質美味, 與眾不同, 極富味蕾衝擊的一餐意大利菜.
===================================================
2020年2月26日 星期三
逸東軒($38米芝蓮點心)
位於油麻地逸東酒店內的逸東軒, 自2008年起經常在星期日到此飲茶午膳, 因為餐廳環境舒適, 食品優質, 服務很好, 價錢合理. 最近得知逸東軒逢星期一至星期五推出$38午市點心抗疫價優惠至3月底, 每款點心一律$38當然要試一試, 仲一共去了3次, 第1, 2次訂位也坐得很舒適, 第3次訂位時已分2個時段, 而且餐檯擺放很密, 因為實在太旺場, 勁多客人的原故, 縱使如此, 但服務態度仍然很好, 點心出品非常優質細緻, 的確物超所值, 在眾多點心中最喜愛的是蜂巢海鮮芋角與合桃叉燒酥, 甘香鬆化, 天下無敵的滋味.
===================================================
2012年6月22日 星期五
澳門摘星之旅(2012)
以往每年都會黎澳門一次, 主要都係食共hea 同感受吓小島風情. 不過自從有左自由行就完全唔同哂. 小島嘅悠閒已變得繁華趨燦, 五光十色, 背後就係人群處處, 冇位食飯, 冇的士搭. 所以我地都絕跡左澳門一排, 係近呢3-4年間先去番. 今年我地結婚25週年, 喺正日攞左假黎澳門玩兩日, 主打係食吓新野同住吓新酒店. Book左銀河大倉酒店嘅商務樓層露台房, 餐廳就預先book左3間唔同菜系嘅, 其中兩間為米芝蓮3星及2星食店, 黎番個摘星美食之旅.
2012年5月12日 星期六
Caprice - 米芝蓮法國菜
貴為全港唯一一間米芝蓮3星法國餐廳, 位於中環四季酒店內嘅Caprice, 訂位食Lunch要早幾個星期. 襯住今日大日子一於去試吓, 無論餐廳環境,食物質素同服務都名附其實米芝蓮3星級數, 比起半島嘅Gaddis更勝一籌, 價錢同級數都無懈可擊.
2012年4月21日 星期六
Gaddis - 傳統法國菜
今日農曆生日同時又係星期六假期, 想Hea住咁食個Lunch, 近近地嘅就諗到去半島 Gaddis, 記得上次去巳經係11年前嘅事, 當時Gaddis剛推出Chef Table, 試完感覺非常正斗, 讚嘆不巳. 11年後嘅今日唔坐Chef Table也有一個同樣滿意嘅法國Lunch, 勁開心.
Gaddis 喺半島酒店有獨立門口出入.
2011年6月22日 星期三
天龍軒 - 102天際餐廳
最近位於九龍最高大廈ICC已經成為最熱新地標, 喺Ritz Carlton酒店嘅102樓中西餐廳更加係長龍店, Walk-in 一定冇位, 預訂都要2~3個月先輪到. 今晚嘅中餐廳天龍軒都係個幾月前所訂嘅先有位. 餐廳環境一流, 服務態度更加友善同細心, 食物材料新鮮, 出品水準高, 價錢其實唔算太貴, 可以encore, 預訂左星期六再黎飲茶(係3個月後嘅星期六先有位, 真勁!).
2011年4月2日 星期六
六福 ( 西貢米芝蓮 )
假日西貢真係人山人海, 尤其係陽光普照嘅日子, 非常熱鬧同充滿生氣, 人人都心情愉快. 但係揾野食嘅時候就有D傷腦筋, 所以我地大多數食" 蘇姗娜" 舊店(新店依加已經冇做). 今次我地有備而黎, 去六福食飯, 揀左星期六下午十二點嘅最小人時段黎幫襯就萬無一失啦. 上次黎就衹係食餐牌上嘅菜式, 今次攞左位之後就去西貢街市自選海鮮, 又一個滿足嘅午餐.
訂閱：
文章 (Atom)
