Katong - 星州菜

今日聖誕假期一早已經喺網上買左吸血新世紀4, Element 嘅 The Grand Cinema 睇戲真係好正. 唯一缺點就係呢道食店雖然好多, 好食又抵嘅就真係冇嘜,  今次食呢間新開冇耐叫Katong嘅餐廳, 主打星州菜, 出品算幾正宗同優質, 服務態度仲非常好, 午餐$78一位包埋飲品, 真正名符其實平靚正嘅午餐.

自家制平安夜大餐(2011)

每年平安夜大餐都會係自家制,今日假期更加可以一齊買料, 穿梭中環, 尖沙咀, 九龍城同何文田, 然後喺屋企平平安安咁慢慢嘆.


 

Home Made Bloody Mary - 加埋橄欖大蝦車厘茄串, 賣相就似模似啦. 

一風堂 - 長龍拉麵店

自從半年食前試業時食過之後, 好快一風堂就變左長龍拉麵店, 之後就已經好難揾位再食過, 除非係準時放工後第一時間去攞位啦, 所以半年間衹係幫襯左兩次. 每次都好滿意, 佢地每次都有D新出品, 感覺到係用心經營, 材料新鮮優質, 食得開心又滿足!

Greyhound - 潮人Cafe

好一陣子冇去過中環, 今日天氣大好又唔太熱, 一早起身就去陸羽嘆吓茶. 之後再去IFC行吓, 佢地今年嘅聖誕裝飾得幾特別, 行吓影吓相又再肚餓. 於事就試吓新開冇幾耐嘅Greyhound Cafe, 去左N次泰國曼谷都冇幫襯過Greyhound, 反而喺香港先試, 真有趣. 不過Greyhound嘅出品真係唔錯, 香口惹味, 越食越滋味.

 

Steik World Meats - Dry Aged 牛

K11嘅食店為數不少, 因地點唔係太就腳所以好多都未試過, 食過百樂潮州就非常失望仲貴夾唔掋. 今日想食碳燒牛, 所以就黎試吓呢間位於商場三樓嘅 Steik World Meats食 Dry Aged 牛扒. Steik有自已嘅熟成櫃自制DA牛, 加埋碳燒嘅火候恰到好處, 由麵包到咖啡嘅出品都一絲不苟, 非常專業同優質, 一個幸福同滿足嘅 lunch.  

 

超級美食日

今日超忙碌, 上午就去周大福攞金條, 中午要去中環恆生總行頂樓食飯, 晚上要去灣仔Grand Hyatt出席日本大老闆生日party. 而且仲好有食神, 恆生頂樓嘅蛇羹同意大利西北部Piedmont地區內Alba小城出產嘅新鮮白松露菌都係第一次食到, 真正名符其實嘅人間美味.

李錦基 - 傳統越南菜

位於油麻地嘅李錦基越南餐廳巳開業多年, 主打傳統越南菜, 好耐之前去美國L.A.旅行時巳試過佢地出品. 而油麻地店就幫襯過好多次, 佢地選用嘅食材好優質, 煮法夠地道同好用心, 每次食完都感覺非常滿意, 物有所值.

Lawry's - Weekend Brunch

位於銅鑼灣嘅Lawry's開業多年, 主打優質燒牛肉. 因為有 Asia Mile 換取嘅 Weekend Brunch Coupon, 所以今曰專誠黎食番個原價每位$278嘅 free lunch. 佢地嘅燒牛肉確實係超高質素, 無懈可擊.

杭州中秋4天遊 (Day 4)

Day 4 龍井問茶 - 西湖三堤 - 香港

杭州中秋4天遊 (Day 3)

Day 3 西湖

杭州中秋4天遊 (Day 2)

Day 2 西溪濕地 - 梅家塢 - 武林廣場 - 高銀街 - 中山南路美食街

 第二日報左個 local tour 去西溪濕地同梅家塢, 要七點鐘出發, 六點半食小小早餐就喺酒店等, 不過等到七點半先至黎接我地. 去到西溪濕地差唔多八點半.

杭州中秋4天遊 (Day 1)

今年中秋決定請一日假, 頭尾4日就可以整番個簡單輕鬆嘅休聞假期, 最後揀左去杭州, 杭州被評為全球十大最佳居住嘅城市之一, 西湖同西溪嘅景色真係好靚, 新舊十景都各有特色, 喺獅峰山下嘅一大片龍井茶園更加令人好舒服同心曠神怡. 新舊杭幫菜同地道嘅包點麵食就更加令人回味無窮. 搭港龍早去午返時間充足, 酒店就喺西湖傍嘅Sofitel, 去西湖天地衹須2分鍾超方便, 10分鍾行到去吳山廣場同清河坊.依家人仔滙率越黎越高, 已經去到@1RMB=1.23HKD啦, 今次仲發現左一件非常有趣嘅事, 就係杭州人過中秋節係唔會玩燈籠架!

 
Day 1 香港 - 杭州 - 吳山廣場- 清河坊 - 西湖

搭港龍早去午返時間勁正.

稻菊 - 鐵板燒

位於尖東帝宛酒店內嘅稻菊, 多年前食過係佢地嘅Omakase晚餐非常難忘, 尤其係天婦羅更加出色, 日本海蝦活做天婦羅都係佢地引入香港, 海膽天婦羅嘅味道就更加冇得頂. 祇係價錢不便宜, 所以唔能夠成日黎食. 今日乃拍拖27週年大日子, 又有籍口黎食大餐喇, 今次一於試埋佢地嘅鐵板燒, 揀左每位$345嘅牛肉同海鮮鐵板燒午餐, 雖然價錢比晚餐平一大半, 但選用材料相當優質, 鐵板燒師傅水準甚高, 好食到冇朋友.

順德老記 - 街坊小店

位於梭亞道嘅順德老記, 店子不太顯眼, 平時行過路口都唔覺佢存在, 見到飲食男女嘅廣告幾吸引, 今晚就一於行去試吓. 小小店子主要做街坊碟頭飯生意, 菜式選擇不多, 但材料新鮮揀手, 每款小菜都即叫即做, 係一間好用心經營嘅食店, 希望佢可以繼續保持落去.

天外天 - 教學酒店

最近尖東科學館道開左間新酒店唯港薈 Hotel Icon, 係PolyU嘅教學酒店, 服務員好 fresh, 位於酒店頂層28樓嘅中菜廳天外天6月先開. 襯住仲未有咁多人知, 今日回歸假期先去試吓. 環境, 食物, 觀景都好滿意嘅一個午餐.

天龍軒 - 102天際餐廳

最近位於九龍最高大廈ICC已經成為最熱新地標, 喺Ritz Carlton酒店嘅102樓中西餐廳更加係長龍店, Walk-in 一定冇位, 預訂都要2~3個月先輪到. 今晚嘅中餐廳天龍軒都係個幾月前所訂嘅先有位. 餐廳環境一流, 服務態度更加友善同細心, 食物材料新鮮, 出品水準高, 價錢其實唔算太貴, 可以encore, 預訂左星期六再黎飲茶(係3個月後嘅星期六先有位, 真勁!).

AL MOLO - Weekend Brunch

最近尖咀開左間新嘅意大利菜AL MOLO, 地點就喺Ocean Habitu舊址, 主理人 Michael White 乃米芝連星級大廚. Weekend Brunch 有自助餐湯, 刺身, 沙律, 頭盤, 甜品, 主菜八選一, 每款材料都新鮮同優質, 每位收$338中等價錢, 但物有所值, 今個週末大食日, 真開心. 一段有趣小插曲就係好多入以為係 BLT Burger餐廳, 睇完菜牌之後紛紛走人.

Morton ( Birthday Dinners )

位於尖咀Sheraton四樓嘅Morton's of Chicago Morton's以前試過感覺極之正, 佢地每樣材料都既優質又新鮮, 菜式煮法同火喉都配搭得天衣無縫, 每道出品都無懈可擊. 今年慶祝生曰嘅重任就落喺佢身上, 兩個生日晚餐都非常滿意, 食過嘅招牌菜式都好完美, 仲有免費生日Cake同相片生曰Card, 加埋幻彩詠香江助慶, 好有氣氛好enjoy.

 

釜山3天自由遊2011 (Day 3)

Day 3 海雲台 - 機張 - 東萊- 海雲台市場 - 香港

釜山3天自由遊2011 (Day 2)

Day 2  海雲台 - 西面- 南浦洞 - 廣安里 - 海雲台市場

釜山3天自由遊2011 (Day 1)

今個復活節4日假期, 揀左再去韓國斧山hea吓. 零晨機去晚機返晚玩足3日, 返黎仲有1日休息. 之前去過斧山嘅札嘎其市場食左隻2.5kgs嘅亞拉斯加大蟹, 滋味無窮又平靚正, 今次一定要再去回味一番. 入住嘅酒店揀左喺海雲台, 風景靚絕, 又長又大嘅沙灘同180度無敵大海景盡入眼廉, 仲有露天溫泉真係正到痺. 今次食左好多韓國地道食物同海產, 雖然韓環滙率比2年前高左廿幾個巴仙, HK$1=W$135, 但計落都算平靚正.

六福 ( 西貢米芝蓮 )

假日西貢真係人山人海, 尤其係陽光普照嘅日子, 非常熱鬧同充滿生氣, 人人都心情愉快. 但係揾野食嘅時候就有D傷腦筋, 所以我地大多數食" 蘇姗娜" 舊店(新店依加已經冇做). 今次我地有備而黎, 去六福食飯, 揀左星期六下午十二點嘅最小人時段黎幫襯就萬無一失啦. 上次黎就衹係食餐牌上嘅菜式, 今次攞左位之後就去西貢街市自選海鮮,  又一個滿足嘅午餐.

胡志明市 - 來去匆匆

今次因為工作關係, 要到越南胡志明市分公司開會, 晚去早返頭尾就一共3天. 第一次到越南, 感覺有D似泰國同馬來西亞嘅混合體. 今次入住嘅酒店位於市中心, 行街揾野食非常方便, 公司安排左兩餐地道嘅越南菜同一晚海鮮餐, 自已就再去揾正宗越南牛肉粉食, 非常地道同滋味. 因時間所限, 所以就只得來去匆匆.

越南盾, 面額好大, 初時用唔慣, 萬萬聲咁用, 夠晒豪.(US$1=VND20,850)

神戶淡路島4天自駕遊(2011) - Day 4

Day 4  神戶(六甲山牧場, 六甲山頂, 三宫, 菊正宗酒造記念館, 關西空港), 香港

神戶淡路島4天自駕遊(2011) - Day 3

Day 3  淡路道の駅, 神戶(有馬温泉, 北野異人館, 元町, 三宫, 神戶港)

神戶淡路島4天自駕遊(2011) - Day 2

Day 2  鳴門海峽渦の道, 淡路南部(福良港),西海岸(慶野松原)

神戶淡路島4天自駕遊(2011) - Day 1

今個農曆新年日本之旅, 籌備左大半年, 原本主打四國自駕遊, 因中途有所改變, 原定6日行程變為4日, 四國改為兵庫縣嘅神户市加淡路島, 早去晚返都幾悠閒, 仲比原定嘅做多左行程, GPS真係超好用, 4日行左580km. 今次揀左兩間淡路島嘅温泉旅館都各具特式, 露天個室風呂勁正, 温泉料理更加無敵, 3年大嘅河豚料理 + 嗚門鯛姿造會席料理, 仲有原條嗚門鯛魚素麵, 淡路牛會席料理, 真正地產地食, 最滋味就梗係喺食正宗神户牛鐵板燒, 仲係米芝蓮1星店雪月花, 貨真價實絕無花巧, 大開眼界. 今年￥嘅滙率真係勁高, 0.095都幾肉赤呀.