近期城中熱點係位於灣仔嘅新開西班牙餐廳Catalunya, 原因乃主廚(Alain Tolosa)層任職於前份子料理(Molecular Gastronomy)發源地, 西班牙餐廳el Bulli. 呢度晚餐訂座要超過壹個月, walk-in就要坐bar枱同衹供應 Tapas, 我地原本訂了6月22日作慶祝結婚26週年之夜, 但因臨時有事取消了有點可惜, 得知他們開始提供週日早午自助餐(Sunday Brunch), 趁唔係太多人知, 當然要去試吓先啦, 每位$590加多$230就可以任飲傳統嘅西班牙生果酒(Sangria)同氣酒(Cava). 主廚將傳統與創新發揮得淋漓盡致, 試左多款Signature Dishes 嘅 Tapas 同 Main Course, 價錢物有所值, 員工服務態度好好, 個個都笑面迎人, 氣氛輕鬆同悠閒, 一個食得非常開心同相當精釆嘅Sunday Brunch.
地點都幾隱蔽, 要用GPS先揾到.
泰國菜館在九龍城開到成行成市, 但合心水嘅就唔多, 自同心變質後都好耐無喺九龍城食泰菜, 新開不久嘅昭拍耶就令我非常驚喜, 呢度用料新鮮, 做法正宗, 價錢實惠, 午餐四十零蚊碟頭飯有飲品同甜品更加超值, 係一間令人回味同驚喜嘅泰國菜館.
今日陽光普照大好天, 係郊外旅遊嘅好日子, 原本想去長洲行吓, 最後決定去西貢橋咀島行地質公園, 旺角有小巴直到西貢碼頭, 碼頭上好多街渡檔口, 可以選擇去唔同嘅外島, 交通超方便.
星期三已知今個週末陽光普照, 所以Book定星期六入住愉景灣新開嘅酒店Auberg Discovery Bay, 今日天朗氣清, 風和日麗, 心情勁靚, 依家去愉景灣己經唔係祇得水路, 陸路去更加方便快捷, 酒店仲有專車接送, 尖沙咀上車約半小時車程就到, 第一次去愉景灣, 發覺地方比想像中大, 商店物資豐富, 形成一個自給自足嘅社區, 環境非常寧靜同和諧, 令人嚮往嘅居住地方.
