沙巴4天潛水自遊行 (II)

DAY 2(下) - Shangri-la's Tanjung Aru Resort - Waterfront - 不夜天

沙巴4天潛水自遊行 (I)

今次係第二次去沙巴, 上次去巳經喺七年前, 今個復活節突然想去潛吓水, 可惜一早已冇機位, 唯有平日去, 4日3夜早晚返玩足4日, 巳經係一個好 Hea好簡單嘅陽光海灘之旅. 今次仲揀左海洋公園內一個島(Pulau Gaya), 住左一晚水中屋(Water Bungalow), 露台有條樓梯直落大海好爽癮, 仲可以喺露台食早餐, 好有Privacy. 美人魚島更加係水清沙幼嘅人間天堂, 好似去左馬爾代夫咁. 另外喺沙巴食海鮮認真平靚正, 今次食足3晚海鮮餐, 每餐都超豐富大滿足, 仲食埋香港少見嘅椰子蟹,海老鼠班同1呎長游水老虎蝦. 亞庇嘅黃昏日落景色真係靚絕, 見到個鹹蛋黃慢慢消失於水平線上. 呢4日黎都陽光非常充沛, 用左SPF50太陽油照樣曬到變成朱古力色人.

DAY 1 香港 - 亞庇 - Gayana Eco Resort