終於等到葉一南的食堂開業了, 就係位於中環九如坊嘅大班樓, 開業未夠兩星期, 都係襯住冇嘜人知同未有飲食雜誌介紹試左先, 店內食譜菜式貴精不貴多, 並冇鮑參翅肚等名貴食材, 但簡單食材可以做出今非一般的美味, 保留食物嘅原味之餘仲可以提升到另一個層次, 就係憑佢對選擇優質材料同做法嘅堅持與執著, 相當難得. 好似佢本書話齋, "要省,不如不吃". 除左出品高質素同服務態度熨貼之外, 服務員對食物菜式嘅知識同做法都非常熟悉, 20-Sep-09真係一個令人難忘的晚餐.
09-Oct-09約左2個為食朋友再黎食過, 太多野想食所以選套餐, 可惜最少4人才做, 於是乎3個大食友叫左一個4人餐($1,520), 12道菜連粥,雪糕及甜品都一件不留, 全部掃清, 食得好痛快.
今個Short Week 打算去遠D, 就去東莞松山湖凱悅酒店度一個25週年假期. 酒店環境一流, 尤其係個戶外泳池好有InfinityPool嘅感覺. 又可以租單車繞湖一週(我地個Package巳包埋), 服務態度夠親切, 12點可以check-in, late check-out 又可以做到2點半. 餐廳出品都唔錯, 試左2間中菜, 1間酒吧同1間自助餐廳都幾滿意.
5月1日係今年最後一個長假期, 台灣同上海機位一早已Full哂, 最後决定去了澳門食共Hea. 已3年冇去過, 上次去嗰陣金沙係最新嘅, 但3年來開了很多新賭場酒店, 今次入住最新開左半年嘅十六蒲Sofitel酒店, 近新馬路口同十月初五街, 出入唔洗打的都好方便. 今次嘅揾食策略係小食多餐, 而且全部揾D未試過嘅食店.
十六蒲Sofitel酒店
自從有左GPS之後, 就鍾意左自駕旅遊. 上次北海道之旅非常好玩, 今次農歷新年假期就決定去韓國濟州自駕遊. 因要在釜山轉機, 又知道釜山有個札嘠其魚市場(曾經去過首爾個鷺梁津水產市場, 嗰陣時食海鮮真係好正), 所以順道在釜山玩多1日, 早去晚返玩足5日. GPS真係好好用, 完全唔悉韓文嘅我都冇難度. 韓國車都幾好揸, 又慳油(行左500公哩都係為HK$0.88/公哩). 不過因為要介口, 頭兩日都唔敢食得太盡, 之後就越食越大膽. 韓國嘅貝殼類海產同生果都不比日本嘅差, 但價錢就平好多, 真係超值. 今次換多左韓國W$諗住大吃大買, 用唔灑返黎唱番就勁蝕HKD750, 好肉赤呀
(由HK$1=W$166至W$190).