最強煲仔飯(永合成)

今日氣溫驟降, 忽然想起位於石塘咀的煲仔飯店"永合成", 此店用心製作, 食材新鮮優質, 煲仔飯無需加豉油原汁原味極正斗, 加埋飯焦更覺滋味, 一煲優質煲仔飯已是寒冷天氣下的恩物, 滿足又滿意的一餐.

留家廚房(飲茶)

位於灣仔的留家廚房是一間我們喜愛的米芝蓮粵菜食店, 性價比超高, 閒時我們都會專程到來飲茶吃午餐, 點心即叫即製, 精緻又美味, 小菜粉麵更加優質滋味, 多年來都保持高水準, 疫情期間今天來個快閃午餐, 感覺幸福.

留家廚房(米芝蓮 + 米豬連)

位於灣仔的留家廚房主打傳統粵菜, 以優質食材配合高水準的廚藝做出精美菜式, 午市點心精緻又好味, 早已成為我們最喜愛的午膳飯堂之一. 趁著今日"為食3兄弟"飯聚, 選擇到此店吃晚餐, 回味11年前(2010年)大坑店的滋味, 食得開心滿意的一餐.

===================================================

大班樓(地表最強-雞油花雕蒸大紅蟹)

位於中環九如坊的大班樓, 自2009年開業以來都客似雲來, 就是憑著它們對選擇優質食材同做法的堅持與執著, 保留食物的原味之餘還可以提升到另一個層次, 出品和味道都十多年如一日的超高水準. 平時用餐往往要2個月前訂位, 但在疫情之下現時可以選擇late lunch 或是 early dinner的用餐時段, 最令我難忘的還是雞油花雕蒸大紅蟹配陳村粉, 可算是地表最強的必食名物, 非常滿足的一餐.

======================================

奔之食堂(酥皮叉燒包)

近排知道尖沙咀太陽廣場地庫大改革後開了多間新食店, 其中一間有米芝蓮添好運點心師博甘哥出品的酥皮叉燒包供應, 已很久沒有試新食店的我, 今日就決定去捧埸. 招牌名物酥皮叉燒包的確非常出色, 其他點心也相當有水準, 店內還有台式飯麵及飲品供應, 是一間令人有驚喜的食堂.

唐人館(米芝蓮點心放題)

自3月底開始尖沙咀海港城內多間食肆都推出了任食放題(All You Can Eat), 包括任食日式煎餃子; 西班牙小食及酒精飲品; 鍋食べ放題; 廣東小菜, 湯品, 飯麵無限任點; 點心無限放送....等等, 當中性價比最高的算是以$138品嚐唐人館的午市點心放題,  在3小時內任點任食50款米芝蓮級數的懷舊美點及主食, 我得知後第一時間打電話訂坐, 可惜打了2天也未能接上, 最後親自到餐廳留下電話待覆, 回覆時最早的日期已是一個月後的今天. 尖沙咀唐人館於2016年開業, 當年試過它的假日早午餐任點任食(http://www.daileghk.com/2016/08/blog-post_28.html), 是個非常滿足的體驗, 所以對此店很有信心. 今日二人一共吃了13款食品, 款款出品都真材實料, 質優味美, 鍋貼蝦多士和招牌揚州炒飯更是人間美味, 每位$138 + $27.50(茶錢)已可落樓, 絕對係物超所值, 開心大滿足的午餐.

===================================================

八月居

近期八月居推出了6折優惠套餐, 6位用晚市套餐有6菜1甜品, 菜式包括有茶燻鴨, 原隻花膠扒, 龍蝦伊麵等等, 配埋智利紅酒或鮮榨橙汁, 連雜費加一都係大約$1,000落樓, 尖沙咀店內環境整潔舒適, 服務態度同食物質素都很好, 的確係物超所值, 一星期已去了二次, 滿足.

===================================================

逸東軒($38米芝蓮點心)

位於油麻地逸東酒店內的逸東軒,  自2008年起經常在星期日到此飲茶午膳, 因為餐廳環境舒適, 食品優質, 服務很好, 價錢合理. 最近得知逸東軒逢星期一至星期五推出$38午市點心抗疫價優惠至3月底, 每款點心一律$38當然要試一試, 仲一共去了3次, 第1, 2次訂位也坐得很舒適, 第3次訂位時已分2個時段, 而且餐檯擺放很密, 因為實在太旺場, 勁多客人的原故, 縱使如此, 但服務態度仍然很好, 點心出品非常優質細緻, 的確物超所值, 在眾多點心中最喜愛的是蜂巢海鮮芋角與合桃叉燒酥, 甘香鬆化, 天下無敵的滋味. 

===================================================

北角鳳城酒家(食在香港, 廚出鳳城)

自從公佈了旺角鳳城酒家於今年1月1日結業後, 正宗的順德手工風味菜祗剩下北角店, 今日為食3兄弟出黎飯聚, 選定了到北角鳳城品嘗有80年歷史的傳統順德味道, 可惜金錢雞已暫停供應.

===================================================

沙田龍華酒店(香江歲月的味道)

建於1938年以紅燒乳鴿馳名的沙田龍華酒店, 至今已有81年歷史, 以前經常是粵語長片取景之地, 今天去完文化博物館, 便順道在這裡用餐, 沙田三寶的紅燒乳鴿固然無懈可擊, 雞粥香綿甜美, 手造豆腐豆香味濃, 干炒牛河惹味夠獲氣, 難忘的古早味, 現在的龍華酒店既是沙田區地標, 也是香港人的集體回憶.

===================================================

得龍(懷舊滋味)

今曰又係為食三兄弟敍會日子, 地點選了在新蒲崗的懷舊菜老店得龍大飯店, 此店出名以優質食材做出古法懷舊手工菜, 我們對上一次在此敍會已是九年前, 味道品質依舊如一.

===================================================

最掂燒味 (精釆滿足的燒味飯)

位於長沙灣的港式燒味飯店取名"最掂燒味", 無論前菜小食, 餐湯飲品及燒味也用心炮製,  真材實料一絲不苟. 今日一試滿足又滿意, 相信日後必成為我的飯堂, 名副其實非常掂.

唐人館(華麗中菜館)

尖沙咀海港城最近新開了一間高檔中式食肆唐人館, 此店自2007年倫敦開業時巳非常矚目, 2013年12月來港在中環置地廣場開了香港分店, 主打傳統精緻中菜, 加上裝修華麗及細心服務, 吸引了不少城中名人幫襯. 尖沙咀店在新張期內推出的假日早午餐, 多款小食點心甜品任叫任吃每位收$298, 今日一試確實物有所值.    

文華廳(色香味全的精釆午餐)

文華酒店內的文華廳, 主打優質粵菜, 高超廚藝加優質食材造出高水準菜式, 色香味全. 今日放假踩入中環金融心臟地區, 悠閒地享受一個優質精釆的午餐, 開心滿足的一天.

============================================================================================

男爵大排檔(大排檔的滋味)

位於佐敦的藍爵大排檔主打風味十足的大排檔小炒, 而且價廉物美, 所以晚晚也爆場. 我們自2007年起已幫襯, 今日星期日在街市行了兩轉也沒有靈感做晚飯, 所以再到此處開餐, 不知為何店名由藍爵改為男爵, 但店內裝修不變, 員工依舊, 出品保持優質水準, 新加入私房甜品也很美味, 吃得滋味又開心, 值得推介.

=======================================================================================

大班樓(久違了的滋味)

5年前在大班樓吃過晚飯後, 大班樓瞬間已成為超級長龍店, 訂坐往往要數個星期前, 令我們再提不起勁去幫襯, 今年生日預早訂了枱, 又可再度品嚐久違了的滋味.

============================================================================================

源興美食(咖哩+燒味)

近期飲食男女介紹咖哩主題, 即時想食咖哩飯. 所以今日下午就去食評極度推介位於油麻地街市傍的源興美食一試, 地點都算隱蔽, 連手機GPS都顯示錯地點. 去到巳是兩點後, 原來燒味(叉燒,腩仔同燒鵝)巳經賣完, 咖哩衹可配羊肉(可能因為店主源出自鵝頸橋街市的清真惠記, 此店羊肉咖喱飯同燒鴨飯非常滋味, 卄多年前已一試難忘).  我們在餐牌上看看想想後, 選擇了古法醬汁牛飯同雞飯, 店主提意可加咖哩汁, 一於大膽試吓, 原來咖哩同燒味是非常配合. 因店主堅持食品質素, 燒味要即燒即賣, 所以午市不會留貨到晚市賣, 新店開張不久, 現晚市衹接受預訂服務的私房菜, 不做街客.

地點非常隱蔽, 位於油麻地街市傍.

一樂 - 燒鵝肶瀨

位於中環陸羽附近嘅一樂燒鵝, 主打燒味, 尤其係燒鵝最為出色, 同隔離街間鏞記有得揮. 價錢仲平一大截, 名附其實正靚平, 燒鵝肶瀨更係超級無敵之選, 大滿足也.

新志記 - 海鮮 + 小炒

自2007年起已經幫襯嘅新志記海鮮飯店, 主打廣東小炒, 鑊氣一流, 好有大排檔風味, 而且仲有幾款時令燉湯, 火喉十足超好味, 價錢公道, 近排試埋佢地嘅海鮮菜式, 非常揀手嘅海鮮加埋了得嘅廚藝, 明附其實優質出品, 喺呢度食海鮮仲好過去西貢, 秋冬時份佢地嘅正宗生炒腊味糯米飯就更加一絕, 非常值得推介嘅一間海鮮飯店.

新斗記 - 手燒乳豬

記得六年幾前新斗記剛開業時聲勢浩大, 因為注明係佐敦新兜記舊伙記主理, 不過試完之後除左手燒乳豬極美味外, 其他菜式就覺得不及舊店, 而且價錢又不便宜, 所以其後都無再幫襯. 今日又係大食3人組揾食日, 想食傳統粵菜, 所以再比多次機會佢啦. 今日除左食佢地嘅招牌手燒乳豬外, 仲有超好味嘅豉油皇煎巨形海花竹蝦, 其餘菜式都尚算滿意, 食得痛快嘅一餐.