稻菊 - 鐵板燒

位於尖東帝宛酒店內嘅稻菊, 多年前食過係佢地嘅Omakase晚餐非常難忘, 尤其係天婦羅更加出色, 日本海蝦活做天婦羅都係佢地引入香港, 海膽天婦羅嘅味道就更加冇得頂. 祇係價錢不便宜, 所以唔能夠成日黎食. 今日乃拍拖27週年大日子, 又有籍口黎食大餐喇, 今次一於試埋佢地嘅鐵板燒, 揀左每位$345嘅牛肉同海鮮鐵板燒午餐, 雖然價錢比晚餐平一大半, 但選用材料相當優質, 鐵板燒師傅水準甚高, 好食到冇朋友.