2010年12月26日 星期日

Nobu Matsuhisa - 松久信幸

今日Boxing Day想食好D, 日本菜始終係首選, 揀左去Nobu食 Lunch. 松久信幸喺世界各地有25間餐廳, 主打非傳統日式菜系, 選用日本食材配以獨特嘅醬汁, 創製出信幸獨特嘅風格菜系, 舊年食晚餐時已令人一試難忘.  原來佢地假日有個Festival Lunch, 每位$488嘅Tasting Menu, 兩個set就已經試晒佢地嘅signature dishes. 幸福之極.



2010年11月14日 星期日

吉隆坡4日自由行

大半年前喺網上book到AirAsia HK$70機票去吉隆坡, 於是就plan左個4日3夜行程, 睌去午返實得兩日, 所以主打係食共Hea, 酒店揀左好耐先揀到呢間喺雙子塔KLCC商場隔離嘅文華東方酒店, 因為地點方便同泳池開揚可以喺度慢慢Hea, Check In 先知 upgrade左公園同雙子塔景, 仲包埋自助早餐, 比原價平RM230壹睌, 超開心. 睌上八點半機出發, 去到出埋機場已經零晨一點, 即刻打的出酒店, 約45分鐘車程收費RM111.


2010年9月22日 星期三

桃花源 - 米芝蓮


位於上環文咸東街嘅桃花源新店, 主持人乃前恒生頂樓餐廳主廚, 優質出品絕對有保証, 更得到米芝蓮星級店嘅名譽. 如果唔事先訂位都幾難可以食到. 今日中秋佳節己事前幾日先訂位, 再訂佢嘅必食招牌菜玻璃蝦球同蟹拑, 實行黎個月滿桃花源, 浪漫吓先.






2010年9月7日 星期二

上海半日自由行

今年真係驛馬星動, 皆因連埋呢次巳經係第5次搭飛機, 3次係旅遊(11月仲會有多1次), 2次係出差. 今次去上海出差, 第1日就巳經攪掂哂, 第2朝就有半日可以自由活動. 對上一次黎上海就已經係8年前嘅事, 依家有好大改變, 半日行左外灘同浦東嘅陸家嘴, 外灘同之前相差不大, 但浦東就面目全非, 新地標臨立, 繁榮之極.


2010年8月28日 星期六

澳門自駕遊2010

澳門雖然去過好多次, 但係發展巳經係一日千哩, 年年都有新地標, 今次去澳門都係好突然咁早一日先決定, 星期五見到天氣非常好, 就諗住去過一個輕輕鬆鬆嘅週末假期, book左路環嘅竹灣酒店貪佢夠晒寧靜, 租架Smart Car 交通就方便好多. 氹仔路環澳門來來回回好多轉夠晒爽引. 食嘅葡國菜仲係歷來最滿意, 令人一試難忘.   


2010年7月30日 星期五

陸羽茶室 ( 時令與珍品 )

今日又係要慶祝嘅大日子, 諗左幾個地方食睌飯, 最後揀黎中環陸羽茶室, 因為食得舒服同佢嘅出品保留傳統精髓, 真材實料, 絕不花巧. 今晚除左食佢兩款必食名物"杏汁白肺湯"同"燒雲腿鴿片"之外, 仲食到兩款時令食材"鳳眼果"同" 薑芽"入饌, 祗在這時才有供應, 做出黎嘅菜式同樣有超高水準, 同佢印喺瓷器上嘅標語一樣, 用珍品黎形容都算幾恰當.


樓上嘅露台裝飾好有懷舊氣氛同建築特色, 令到成條街都生息不少.

2010年4月23日 星期五

沙巴4天潛水自遊行 (I)

今次係第二次去沙巴, 上次去巳經喺七年前, 今個復活節突然想去潛吓水, 可惜一早已冇機位, 唯有平日去, 43夜早晚返玩足4, 巳經係一個好 Hea好簡單嘅陽光海灘之旅. 今次仲揀左海洋公園內一個島(Pulau Gaya), 住左一晚水中屋(Water Bungalow), 露台有條樓梯直落大海好爽癮, 仲可以喺露台食早餐, 好有Privacy. 美人魚島更加係水清沙幼嘅人間天堂, 好似去左馬爾代夫咁. 另外喺沙巴食海鮮認真平靚正, 今次食足3晚海鮮餐, 每餐都超豐富大滿足, 仲食埋香港少見嘅椰子蟹,海老鼠班同1呎長游水老虎蝦. 亞庇嘅黃昏日落景色真係靚絕, 見到個鹹蛋黃慢慢消失於水平線上. 呢4日黎都陽光非常充沛, 用左SPF50太陽油照樣曬到變成朱古力色人.

DAY 1 香港 - 亞庇 - Gayana Eco Resort


2010年3月14日 星期日

曼谷(紅衫軍)自遊行2010

每年都會去曼谷自遊行, 今年有D特別, 就係9個月前已經訂了AirAsia超平機票每張HKD198, 仲訂埋Four Seasons Hotel. 但出發前先知紅衫軍將會有集會同大遊行, 保安局巳發出紅色預警, 香港旅遊業協會都建議取消行程. 我地都取消左酒店, 到出發嗰日先决定去, 總算有驚無險. 今年泰銖又升左好多, 舊年呢個時期仲係4.61, 今年就由4.04換到4.16(都係林真香最抵), 但平均都要4.1. 今年起已經決定唔食魚翅喇(因為D人攞魚翅時對D鯨鯊好殘忍), 所以今次冇去曼谷魚翅, 反而有機會試D新野, 就係泰北菜嘅Manna喇. 今次32夜行程簡單同冇寄倉行理, 每人攞個袋就上機, 所以唔帶部Olympus相機, 衹用新買嘅Canon S90, 輕便快捷又好用.






2010年2月13日 星期六

關西大阪福井白川京都五天自駕遊 (I)

自從有GPS之後, 自駕遊就變成了旅行嘅首選, 尢其係日本自駕遊, 安全, 乾淨, 好多好野食, 唔識日文都好易玩, 所以今個農曆年都係去日本自駕遊. 九個月前已開始做資料搜集, 第一個版本係三牛之旅, 食晒3款和牛(神户,飛驒,松阪), 第二個版本係瀨户大橋四國祖谷美人溫泉之旅, 之後係大阪能登金澤白川京都, 但大阪去能登車程太長, 回程機位又未確認可以留多一日, 所以到最後就係依家嘅大阪福井白川京都五天遊喇. 比起08年尾去北海道時, D¥由0.072升到依加嘅0.087,高左2成有多, 有D肉赤. 今次主打除左睇風景(白川合掌屋, 京都寺院, 祇園同花見小路), 浸吓個室臨海露天溫泉, 就係食食食, 仲要"地產地食", 黑門市場內嘅河豚料理, 越前海岸嘅越前蟹, 高山嘅飛驒牛, 百年老店三嶋亭嘅頂級和牛壽喜燒, 京都嘅湯葉同漬物和式早餐. Blog 幅所限, 要分三 part 寫, 先黎 part I.



2010年2月3日 星期三

益新 - 名牌老店

年近歲晚約左的Friend食年夜飯, 原本可能有6個但到最後都係得我地鐵三角嘅原班人馬. 三人行一齊做吓富豪, 去渣甸山食吓富豪街坊菜, 呢間益新其實係名牌老店, 早前位於銅鑼灣洛克道時巳非常出名, 傳統粵菜做得好出色. 消失左一排, 再喺利舞臺廣場出現時已水準不再之後又冇左影. 依家再度開業, 先在跑馬地, 再搬到灣仔同開多一間喺渣甸山, 今晚水準未見特出, 冇嘜驚喜, 而且價錢偏貴, 真正富豪價錢, 街坊質素, 應該都係一次過冇encore嗰隻.




位於渣甸山居民協會內, 幫襯嘅多數都係街坊, 今晚連埋我地都係得4枱客.

Related Posts Plugin for WordPress, Blogger...