今個農曆年攞多2日假就有9日假期, 大半年前已經開始計劃去泰國蘇梅島回程停曼谷順便拜吓四面佛, 6天行程回香港後仲有3日時間休息, 真係十分充裕. 蘇梅島嘅陽光與海灘真係令人心情輕鬆同愉快, 單單係蘇梅機場本身就已經係一個旅遊景點, 建築得好靚同設計到令人好Relax好有渡假Feel. 喺蘇梅島呢4晚都好悠閒因為唔洗Plan行程, 真正食共Hea, 住兩間Resort都各有特式, Anantara係一間設計獨特嘅精品酒店, 有如叢林中嘅營地, 配合無敵海灘同泰式建築風格, 好有Style. 位於Bo Phut Beach 近蘇梅機場同市中心出入比較方便. Silavadee 就位於較遠嘅Lamai Beach, 建於懸崖之上, 好有私隱, 仲有獨立嘅Ocean View Pool Villa超正超舒服, 睇日出就更加無敵, 係過往所住過嘅最勁正一間. 今個旅程除左食泰國菜同海鮮之外, 仲有意大利菜, 同埋喺Six Senses 嘅 Dining on the Rock 食非常特別嘅Modern Interpretive Cuisine, 就像我們的份子料理一樣, 相當有趣嘅全新演繹, 真係一個好好嘅體驗.
Day 1 : ( 香港 - 泰國蘇梅 - Anantara Resort)
