澳門食共Hea
5月1日係今年最後一個長假期, 台灣同上海機位一早已Full哂, 最後决定去了澳門食共Hea. 已3年冇去過, 上次去嗰陣金沙係最新嘅, 但3年來開了很多新賭場酒店, 今次入住最新開左半年嘅十六蒲Sofitel酒店, 近新馬路口同十月初五街, 出入唔洗打的都好方便. 今次嘅揾食策略係小食多餐, 而且全部揾D未試過嘅食店.
十六蒲Sofitel酒店
酒店大堂
酒店房間嘅護理用品係法國品牌L'OCCITANE黎架.
房間夠大同光猛, 張床好舒服, 好好瞓.
窗口個view好靚, 見到新馬路同新葡京.
露天食自助早餐, 零舍醒神.
酒店嘅自助早餐好豐富, 每樣食品都好優質同好味道.
酒店泳池雖然唔大, 因為人小, 所以都好舒服
.
泳池對上仲有過位可以一面望住內河景, 一面曬太陽, 勁正.
曬住太陽睇日落, 真爽.
營地街市-食檔好多, 呢間平記就好有獲氣.
營地街市
營地街市-勝記-砂煲咖啡 + 辣沙甸魚包, 好有地道風味.
營地街市內梓記牛雜係首選, 排左廾分鍾先食到.
營地街市-梓記牛雜($25), 香淋入味冇得彈.
上次黎嗰陣禮記己結業, 依家重開於果子天地內. 食左杧果+石留汁($20), 水準依然.
大三巴好多人又好曬, 一影完相就閃啦.
玫瑰堂
午餐就到位於荷蘭園區嘅坤記餐室.
豬仔包-皮薄脆但內裡鬆軟, 香港食唔到.
坤記-薯蓉青菜湯, 地道葡國湯.
坤記-凍毛花果茶, 清清甜甜, 飲落好舒服.
坤記-馬介休球, 個皮好薄, D餡軟熟咸香, 脆口又唔熱氣, 高質素.
坤記-燒沙甸魚, 可能係焗或者炸嘅. 沙甸魚甘香味美.
白馬行
伯多祿局長街
板樟堂街
議事亭前地
晚餐就到三盞燈內嘅燈塔小餐館, 出發前己做促功課, 搭巴士都揾到. 真係平靚正!
燈塔-葡式凍豬耳($17), 開胃爽口嘅前菜.
燈塔-葡國血鴨($38), 睇落好似咖哩鴨, 但係香濃肉味夠, 鴨肉淋香軟滑, 送飯一流.
燈塔-白酒煮蜆($38), 用白酒牛油炒, 蜆肉鮮味又冇沙.
燈塔-葡式釀魷魚($40), 魷魚筒內釀有蕃茄肉醬, 夠特別, 幾好味.
三盞燈馮記豬腳姜, 一串串上, 好香. 但今次太飽, 下次一定試.
新龍記, 位於沙梨頭南街, 地點好了能, 揾左好耐先揾到.
新龍記-蟹皇撈麵($22), 蟹膏甘香軟滑超好味, 一流.
保健牛奶-雙皮奶($16), 雙重口感同味道, 係好好嘅飯後甜品.
保健牛奶-杏仁鮮奶糊($16), 杏仁香, 牛奶滑, 好滋味.
永利
新葡京
葡京
氹仔-山度士, 勁旺, 遲5分鍾都冇位.
山度士-葡式燒乳豬($108), 入口卜卜脆, 咸咸香香, 肉嫩香口又惹味.
山度士-葡國腊腸炒椰菜
官也街行5分鍾就到龍環葡韻, 對面就係威尼斯人啦.
龍環葡韻住宅博物館, 全部都係葡萄牙式建築物.
龍環葡韻住宅博物館
嘉模聖母教堂
官也街-氹仔市集
必達士
必達士-凍葡式咖啡($22), 甘甘苦苦, 好醒神.
必達士-木糠蛋糕($28), 4層木糠 + 4層忌廉, 香滑好味道.
威尼斯人
威尼斯人賭場, 好宏偉.
威尼斯人-大運河
威尼斯人-美食廣場
MGM-露天花園廣場, 酒店冇Mug野行, 影張相就走人.
想食嘅葡國菜館仲末開, 就先到荷蘭園嘅皇冠小館小休一會.
皇冠小館-蝦子雲吞撈麵($43), D蝦子大大粒又咸鮮, 雲吞餡多味美, 竹升麵祗有蛋香而冇鹼水味. 三樣一齊就係好好嘅絕配.
皇冠小館-水蟹粥($75), 係用奄仔蟹, 蟹膏甘香, 粥底鮮甜香綿, 好味道.
富仕葡國菜, 好地踎既小店.
6點鍾巳經好旺, 要坐上閣樓.
富仕葡國菜-燒沙甸魚($38), 甘香肥美, 炭火燒烤零舍好味.
富仕葡國菜-非州雞($68), 賣相平平, 但雞肉烤得好香, 個汁仲香辣惹味, 即刻叫個豬仔包點D汁黎食, 滋味無窮.
戰利品-老人牌辣沙甸魚($20)+榮牲柴火油($10)
瀏覽人數 :
好正喎...
回覆刪除我想問下搭幾多號巴士去燈塔小餐館?? THANKS!!!
回覆刪除[版主回覆09/06/2009 18:16:00]No. 就唔記得啦. 不過係去三盞燈嘅車就得.