益新 - 名牌老店

年近歲晚約左的Friend食年夜飯, 原本可能有6個但到最後都係得我地鐵三角嘅原班人馬. 三人行一齊做吓富豪, 去渣甸山食吓富豪街坊菜, 呢間益新其實係名牌老店, 早前位於銅鑼灣洛克道時巳非常出名, 傳統粵菜做得好出色. 消失左一排, 再喺利舞臺廣場出現時已水準不再之後又冇左影. 依家再度開業, 先在跑馬地, 再搬到灣仔同開多一間喺渣甸山, 今晚水準未見特出, 冇嘜驚喜, 而且價錢偏貴, 真正富豪價錢, 街坊質素, 應該都係一次過冇encore嗰隻.

位於渣甸山居民協會內, 幫襯嘅多數都係街坊, 今晚連埋我地都係得4枱客.


==================================================

四寶燉菜膽($150) - 火喉十足, 堯柱, 火腿, 花膠同北菇都燉到出晒味, 有水準.

醬燒琵琶鴨($130) - 招牌菜, 熱辣辣, 皮脆肉嫩, 骨軟入味, 高質素.

沙律煙倉魚($280) - 另一招牌菜, 有色但冇香味, 冇煙燻味, 倉魚本身肉質唔錯, 可惜浪費了食材.

蟹肉扒豆苗($150) - 水準一般, 蟹肉唔夠新鮮.

花雕蛋白蒸中蝦($208) - 賣相奇特, 蝦藏在蛋白內而蛋白又蒸老左, 有D九唔搭八.

番薯糖水 - 唔太甜, 番薯腍香好味道.



瀏覽人數 :