最掂燒味 (精釆滿足的燒味飯)

位於長沙灣的港式燒味飯店取名"最掂燒味", 無論前菜小食, 餐湯飲品及燒味也用心炮製,  真材實料一絲不苟. 今日一試滿足又滿意, 相信日後必成為我的飯堂, 名副其實非常掂.

 食店位於長沙灣新住宅大厦地下, 環境乾淨.

燒味每次以小型太空爐細心限量炮製, 用心經營.

柑桔酸梅湯(+$7) - 清涼醒胃不太甜, 好飲.

醃漬蘿蔔 - 入口爽脆酸味, 可解燒味的肥膩口感.

十全十美健康素湯 - 奉送的素湯材料豐富, 薯仔蘿蔔花生冬菇, 入口清甜潤喉舒服, 感覺健康.

叉燒燒腩仔飯($50) - 叉燒較瘦, 味道濃郁帶蜜香, 如選半肥瘦會更好, 燒腩仔肥瘦相間, 外皮鬆化肉質甘香肉汁豐盈, 啖啖滋味高水準.

祕製梅子醬燒鵝飯($50) 皮薄香脆肉嫩甘香, 肉汁豐腴味美, 自家祕製梅子醬香濃惹味酸度恰到好處, 吃燒鵝的最佳配搭, 性價比勁過鏞記與一樂, 精釆滿足的碟頭飯.