灣仔峽 - 香港仔水塘 - 鴨脷洲(行山徑)

今天介紹港島區一條環境優美又非常易行的行山徑, 由灣仔峽沿香港仔水塘到香港仔市中心, 再搭街渡到鴨脷洲食午餐然後乘港鐵南港島綫離開. 此行全長6.7公里需時連休息約3小時, 輕鬆易行.

由灣仔舊郵局可沿長命斜路經寶雲道緩跑徑步行上灣仔峽公園, 想慳水慳力當然是由中環交易廣場搭15號新巴($9.80)到警隊博物館站下車

沿甘道步行經甘道兒童遊樂場可到達警隊博物館.

警隊博物館入口前有石級.

60年代使用的交通警指揮亭.

 

警隊博物館內展示警隊發展歷史, 館內是不淮拍照.

在灣仔峽公園休息及充電.

園內小食亭出售玩具及小食, 連飯盒也有得供應.

滷水蛋($5) - 滷得非常入味, 香軟味美.

咖哩魚蛋($5) - 彈牙惹味.

  

充電後沿香港仔水塘道起步.

一個非常陌生的路名金夫人徑, 環境寧靜優美, 沿路蝴蝶飛舞, 心曠神怡.

沿斜坡向下行, 超輕鬆.

在港島徑四段交滙點發現了停下來的蝴蝶, 當然不能不拍照.

非常綠化的環境.








沿香港仔上水塘方向, 途經香港仔健身徑.

宏偉的香港仔上水塘水霸.

香港仔上水塘.

過了香港仔上水塘再行, 便是香港仔自然教育徑.




  

回頭向香港仔下水塘方向進發.

一條私房祕道可飽覽上水塘水霸, 相信排洪時會相當震撼.

水管小徑.

過了水管小徑不久有另一小祕道可直達香港仔下水塘邊, 正值旱季水位很低, 可以行至中心點.

一片綠油油的景色.

沿路再落很快到達了香港仔下水塘水霸.

又是充電時間.

再行四分鐘已離開香港仔郊野公園.

沿香港仔水塘路(大斜路)直行十五分鐘到香港仔大街. 再經行人隧道到香港仔海濱公園轉乘街渡到鴨脷洲揾食. 

五分鐘船程便到了鴨脷洲.

鴨脷洲大街小販檔, 海鮮種類繁多.

到鴨脷洲市政大廈一樓揾食, 原來所有食店均無售賣海鮮菜式, 全部要客人自來代煮.

在陳新記吃粉麵醫肚, 先來一杯紅豆冰($18), 冰凍香甜透心涼.

豬手魚蛋河($27) - 魚蛋爽口彈牙有魚味, 豬手腍滑入味, 超正.

雪菜肉絲魚片頭麵($28) - 雪菜肉絲炒得惹味, 魚片頭香濃爽彈, 滋味.

腐孔通菜($20) - 份量十足, 經調配後的腐孔醬鹹香惹味, 正斗.

炸雲吞($21) - 雲吞皮香脆鬆化, 餡料滋味, 優質.

食飽後到地下海鮮檔逛一逛, 正值休魚期所以海魚不多.

港鐵南港島線於鴨脷洲的利東站, 入口兩旁彩色圖案充滿蜑家漁民風味, 非常有特式.

港鐵南港島線的車廂佈置很有海洋氣息.

由灣仔峽經香港仔水塘到鴨脷洲全長6.7公里需時連休息約3小時, 是一條輕鬆易行的行山徑.