2008年3月28日 星期五

首爾4天自由行

今個復活節假期已預先(2個月前)安排了去旅行, 因為Book到(零晨機)早去晚返嘅航班, 所以就決定去首爾, 4日假期可以玩足3日半. 住係市中心嘅明洞世宗酒店, 好似東京嘅新宿咁, 店鋪食肆夠集中, 行街食野都好方便, 買左2本旅遊書自已安排行程, 總算順利, 而且仲食左好多特色嘅韓國食物添, 原來D韓國野都唔係好辣炸! 出發前學左句少辣嘅韓文'jageun maepsseumnida'都唔洗用.






原本諗住去韓國買化妝品, 護膚品同服裝, 但都冇買到. 用淨好多WON, 換番港幣(HKD1=KRW120-133)時蝕左成10%.

第一日 :(世宗酒店-明洞市內-南山谷韓屋村-南大門-樂天百貨公司-明洞)




大韓飛機餐竟然有傳統嘅韓式飯食, 仲有Menu教埋你點整, 好味道.




3小時20分機程, 出到仁川機場都未到6:00AM, 就可以搭605-1機場巴士去明洞, 世宗酒店就係巴士站前, 7:20AM到達, 非常方便.
   


                     


原本想食鮑魚粥作早餐, 但誤入了賣雪濃湯的店鋪, 不過都幾好食, D湯濃郁同幾有肉味. 埋單W12,000.





食完早餐行行吓見到有間教堂幾靚, 同埋仲有櫻花睇添.






酒店全滿, Confirm 左 Early Check-In都唔得, 等到9:30都祇得一間Twin Room,不過酒店免收charges同送枝紅洒比我地,而且個View可以望到南山N Seoul Tower.      






明洞嘅中央路同忠武路都好熱鬧







明洞咸興麵屋





明洞咸興麵屋-牛骨湯熱辣辣, 鮮甜濃郁好好飲, 仲可以不停 Refill 添.






明洞咸興麵屋-辛辣冷麵(W7,000)冇想像中咁辛辣, 仲幾清鮮醒胃.






明洞咸興麵屋-傳統冷麵(W7,000)地道嘅北韓麵食, 清涼爽口好味道.






明洞-流動生果車, 買左韓國士多啤梨做宵夜, W5,000一盒(500g).






明洞-南山谷韓屋村, 背面就係N Seoul Tower.






明洞-南山谷韓屋村-用黎做醃泡菜嘅醬虹.





搭的士上到黎先知纜車維修要暫停, 所以上唔到南山頂同N Seoul Tower.






是日CoffeeBreak, 咖啡 + 士多啤梨雪糕蛋糕(W4,500)




明洞地鐵站-韓國地鐵車廂同日本嘅差唔多.







南大門市場-有齊乾濕貨物同熟食店鋪.





南大門市場食街






南大門市場食街-辣醬炒年糕, 年糕本身冇味, 全憑惹味嘅茄膏辣椒醬.







南大門市場食街-泡菜






南大門市場食街-海鮮煎餅(W10,000), 用左好多蔥,大蒜,八爪魚,蝦同青口, 分好多層好有心機黎煎, 好似千層蛋餅, 係好有特色嘅韓國食品, 一定要試.





明洞夜市小食街內的帳幕大排檔, 不過價錢並不便宜.







明洞-辛氏火爐






明洞-辛氏火爐-真正炭火燒烤.





明洞-辛氏火爐-2款三層肉(W17,500), 有牛肉同豬肉, 如果可以厚D仲正.    





明洞-辛氏火爐-韓式食法係用生菜包住黎食架.






是日生果-韓國士多啤梨, 香甜優質.



日:(景福宮-仁寺洞-梨大-新村-明洞)



麵包早餐, 原本今日去魚市場, 但知道明日會下雨, 所以改為今日先去景福宮同仁寺洞.







景福宮巡遊







景福宮-勤政殿內, 有D似中國嘅古宮.





景福宮-民俗博物館





景福宮-土俗村蔘雞湯






景福宮-土俗村蔘雞湯-營養燒雞(W12,000), D雞肉仲好嫩滑.                   





景福宮-土俗村蔘雞湯-蔘雞湯(W13,000), 原枝人蔘, 好香濃嘅蔘味, 仲有一小杯人蔘酒.



                   
仁寺洞-仁寺洞街兩旁都有特色韓國手工藝品店.




仁寺洞-仁寺洞街Ssamziegil商場.





               



行左仁寺洞一陣, 有D疲累, 就去傳統茶院休息一吓.       





仁寺洞-傳統茶院-什錦米果餅(W4,000),五味子茶(W6,000)酸酸甜甜幾醒神, 花梨茶(W6,000)清甜好飲, 用黎餸煙韌軟糯嘅傳統韓國茶米果就一流喇.





梨大前購物街





梨花女子大學





新村站街兩旁都有好多店鋪.   






原本想揾間燒海鮮店, 但係揾唔到, 仲落緊大雨, 最後决定放棄, 唯有食第二樣. 揀左同樣都想試嘅春川辣雞店, 仲飲埋韓國燒酒(真露), 原來真露唔係好勁架炸. 叫左個春川辣雞八爪魚鍋, 有專人幫你炒.  






新村-春川辣雞八爪魚鍋-食到中段後, 加埋D飯一齊炒, 炒到D飯微辣焦香仲正, 送酒一流. 埋單19,000.





是日生果-韓國士多啤梨.


第三日:(鷺梁津水產市場-COEX-梨泰園-會賢新世界百貨-明洞)




三文治早餐





乘火車到鷺梁津水產市場站






鷺梁津水產市場-全首爾最大, 幾佰個水產檔口, 唔知揀邊檔.





鷺梁津水產市場-最後揀左依檔買左八爪魚, 鮑魚同手上嘅亞拉斯加雪場蟹.





鷺梁津水產市場-係依檔就揀左條比目魚, 仲即刻生劏做比目魚刺身添. 然後就上樓揾左間日式嘅食店開餐.





鷺梁津水產市場-金鶴-活比目魚刺身(W20,000/800g), 鮮甜味美, 裙邊仲爽夾甘甜,無得彈.




鷺梁津水產市場-金鶴-活八爪魚刺身(W4,000), 上碟時仲活力十足, 係口入面都比佢D爪啜得好勁, 過又鮮味.





鷺梁津水產市場-金鶴-活鮑魚刺身(W16,000/450g), 個日本師溥刀法一流, 上枱時D裙邊仲係到郁吓郁吓, 鮑魚鮮甜爽脆. D鮑魚肝同膽就唔敢生食喇, 攞埋去滾埋湯把啦.






鷺梁津水產市場-金鶴-亞拉斯加雪場蟹(W40,000/1.3kg), 鮮甜啖啖肉. 蟹蓋內嘅蟹水加小小真露一齊飲, 美味得難以形容.






鷺梁津水產市場-金鶴-日式比目魚頭骨鮑魚肝膽湯(W6,000), 清香又鮮甜.






因落雨關係, 決定行室內嘅COEX商場, 行左一陣冇嘜野行, 就係FoodCourt食左個辣海鮮湯麵(W5,500), 材料豐富, 有蜆, 八爪魚, 蝦同蟹, 湯底又鮮又辣. 勁好食.






黎到韓國點都要食番餐韓國牛肉, 行完新世界百貨出黎就見到間韓牛村, 當然要入去試吓啦. 今次泡菜內有醃生魚腩,生魷魚同上圖嘅醃生蟹, 好大舊生蟹肉, 食左一小片(驚腸胃唔適應), 滑潺潺幾鮮味. 反而烤熟左仲冇咁好食.






會賢站-韓牛村-炭燒韓牛脊肉(W35,000/200g), 老版係Counter即叫即切, 韓牛肉腍嫰又多肉汁, 好鬼正斗呀!.







會賢站-韓牛村-炭燒韓牛肋骨肉(W35,000/200g), 用左水果蓉黎醃制, 有D鮮果甜味, 同樣肉嫰多汁, 超正.





會賢站-韓牛村-用生菜芝麻葉加埋烤蒜片同豆醬包住黎食.





 新世界百貨-韓國士多啤梨(W7,800/520g), 每粒有30g大大粒, 香甜多汁. 


 

第四日:(明洞-可樂洞魚市場-東大門-明洞-香港)    


明洞-粥鄉-今次泡菜內有生蜆肉, 鮮甜爽口, 最後一日食多D都冇有怕.





明洞-粥鄉-南瓜粥(W5,000)地道嘅韓式早餐, 清甜好味道.






明洞-粥鄉-鮑魚粥(W8,000), 用鮑魚同鮑魚肝煮成, 好美味.




在明洞 Hollys Coffee 嘆杯咖啡.





可樂洞農產品市場-轉左2次地鐵, 行經蔬菜市場,生果市場, 先至到達呢個海產市場.






可樂洞農產品市場-工作人員正在處理活雞泡魚.




可樂洞農產品市場-以批發為主, 分開乾海產及濕海產地區, 大到同東京築地有得揮, 祗係場內沒有食店唔可以即買即食.






清溪川-呢條清溪川今日就冷冷清清, 冇嘜特別喇, 可能夏天時會熱鬧D.




東大城樓-興仁之門. (南大門城樓早前火燒, 現正維修暫停開放,所以冇相).





東大門都冇嘜野行, 都係行番明洞食吓野好過.




明洞-古宮-泡菜






明洞-古宮-鮮人蔘沙律(W15,000), 蔘味幾濃夠特別, 食完個人都好似精神D.






明洞-古宮-全州拌飯(W10,000), 用左30種材料造, 味道豐富, 色香味全.





明洞-韓國銀行
                  



一呎長軟雪糕, 香滑甜美.




地道韓國豆沙餅.




明洞-街頭小食檔, 呢檔賣嘅韓國小食都算幾齊全喇.
                   




明洞-安東-安東醬油粉絲海鮮雞鍋(W25,000)-鮮香辣惹味, D精華盡在粉絲內.






仁川機場-辣牛雜鍋(W15,000)牛雜炆得夠腍又入味, 個湯仲好鬼滋味.






大韓飛機餐 - 傳統嘅韓式飯食好味道.







戰利品-即食紫菜,昆布,杯麵,拌飯辣椒醬,覆盤子酒,紅酒.


瀏覽人數 :
無料カウンター

3 則留言:

  1. 好精彩 ! 好詳盡 ! 好想去 ! 好好食 ! 

    回覆刪除
  2. ※※※※※※2008年4月9日 凌晨12:39

    你既行程編排得好好喎

    回覆刪除
  3. 你好, 請問土俗村行去仁寺洞要幾耐呢? 難搵路嗎?
    thanks

    回覆刪除

Related Posts Plugin for WordPress, Blogger...