川藏秋遊南北線20天 Day 11 (川藏318國道 - 八宿縣 - 然烏鎮 )

Day 11 :  萬匯洲際酒店(乾糧早餐) - 昌都邦達機場 - 天路七十二拐 - 伊佳府蒸汽牛肉麵(午餐) - 紫宸泊阅雲境酒店(晚餐)

Day 11 : 今日主要都係車程, 送完朋友到機場然後繼續行程, 景點衹有途中的魔鬼路段天路72拐,  睇落都幾險峻, 晏晝食完牛肉麵跟住直入然烏鎮位於海拔3,300米的紫宸泊阅雲境酒店, 房間嘅氧氣機一定要開住, 酒店對出夜景有雪山加娥眉月都幾優美, 今日坐成十個鐘頭車程都有點累, 早啲沖涼休息.

酒店提供乾糧早餐, 方便旅客早上要趕路離開.

清早出發前往昌都邦達機場, 途中遇上遊牧藏民.

送完朋友到機場, 然後繼續318國道行程, 第一站到天路七十二拐, 又名怒江七十二道拐. 

天路七十二拐, 全長30多公里, 高差卻達1,800多米, 因坡陡灣急, 地勢險峻成為川藏公路上極具視覺衝擊力的打卡點, 站在觀景台上視野開揚, 一目了然這魔鬼路段.

中途到伊佳府蒸汽牛肉麵吃午餐. 

牛肉刀削麵(￥20), 簡簡單單又一餐.

入夜前到達然烏鎮的紫宸泊阅雲境酒店, 位於海拔3,260米, 房間設有氧氣機, 一定要開啟. 

到酒店餐廳吃晚餐, 味道OK. 

晚餐後到戶外雪地上漫步, 欣賞雪山加娥眉月夜景, 正斗.

天氣太凍, 不到一會己要回房間, 今日坐成10小時車程, 沖涼吃生果然後大覺瞓.