2011年6月4日 星期六

AL MOLO - Weekend Brunch

最近尖咀開左間新嘅意大利菜AL MOLO, 地點就喺Ocean Habitu舊址, 主理人 Michael White 乃米芝連星級大廚. Weekend Brunch 有自助餐湯, 刺身, 沙律, 頭盤, 甜品, 主菜八選一, 每款材料都新鮮同優質, 每位收$338中等價錢, 但物有所值, 今個週末大食日, 真開心. 一段有趣小插曲就係好多入以為係 BLT Burger餐廳, 睇完菜牌之後紛紛走人.



 戶外環境開揚, 面對維港同中環, 室內半露天就有冷氣加海景, 非常舒服.




菜式由頭盤到甜品都係$100~$300, 中上價錢, 第一次幫襯, 最好都係食Brunch啦. 




Minestone - 煮得好蓉, 易入口.

   


蕃茄橄欖燴魷魚 - 夠腍夠入味. 





Prosciutto Parma Ham軟熟鹹香, 加埋蜜瓜一齊食, 非常味美. 烤青瓜同大菇片香夾爽, 茴香沙律新爽夠特別, 烤橙紅椒香甜又Juicy, 綠橄欖, 露筍, 磨菇, 芝士, 蕃茄都好新鮮同優質, encore 完再 encore.



 

油甘魚大蝦魷魚沙律 - Ricciola油甘魚乃此店招牌菜, 加上橄欖甜蕃茄蓉醬, 特別鮮甜嫩滑可口有層次, 大蝦刺身鮮甜爽口, 魷魚軟熟味美.  


 

Salsiccia - 烤意大利腸鹹香好味, 蕃茄醬汁香甜, 巴馬臣芝士蛋餅軟熟香嫩夠特別.

 


Tagliata - 烤NY Strip Steak, Medium火喉剛好, 腍嫩多汁肉味濃, 芝士焗薯香脆惹味, 水煮蛋加荷蘭汁勁香滑, 超高水準. 


   

4款生果都優質甜美. 一口甜品精緻, Cheese Cake 香滑軟熟, 朱古力 Brownie 夠香濃, 杏仁軟餅濕潤杏仁味超濃郁, Donut 軟熟, Tiramisu 入口即化, 香滑味美.



Cappuccino - 香滑奶味濃.



瀏覽人數 :

無料カウンター



1 則留言:

Related Posts Plugin for WordPress, Blogger...