2011年12月24日 星期六

自家制平安夜大餐(2011)

每年平安夜大餐都會係自家制,今日假期更加可以一齊買料, 穿梭中環, 尖沙咀, 九龍城同何文田, 然後喺屋企平平安安咁慢慢嘆.


 

Home Made Bloody Mary - 加埋橄欖大蝦車厘茄串, 賣相就似模似啦. 


 

德國全麥包 - 外脆內軟





雜錦頭盤 - 鵝肝醬(軟滑甘香, 配麵包勁正), 橄欖(醒胃), 煙三文魚(夠鮮味), 雅枝竹(清新), 藍梅芝士(濃香軟糯), 18個月意大利Citterio Prosciutto Parma Ham(鹹香軟熟, 有肉味同口感). 

 



Home Made Cocktail - Peach + Grape + 燒酌 = 清新好飲.







聯合國生蠔 - 有齊蘇格蘭, 法國 Fine de Claires, 南非Gigas 同南太平洋石蠔.






阿拉斯加蟹腳(620g) - 巨形蟹腳鮮甜啖啖肉, 蘸牛油海鹽汁, 好味到無得頂.






薯仔大蒜帶子白松露湯 - 煎帶子鮮甜肉嫩, 白松露醬香味濃烈, 互相配合, 令個湯更美味.














主菜 - 白松露雜菜焗黑豚(310g), 黑豚先煎後焗, 香嫩肉味濃, 用大量車厘茄, 茴香, 南瓜, 大磨菇, 雅枝竹等配菜, 加白松露醬同Rosemary一齊焗, 肉汁香味濃郁, 超豐富. 







甜品 - 聖誕布甸伴雲厘那雪糕雜梅, 四款梅紅藍黑鮮豔奪目, 今次買嘅聖誕布甸加左rum酒更加香甜軟熟好味道, 配Haagen Dazs嘅雲厘那雪糕勁正 .

瀏覽人數 :


無料カウンター



沒有留言:

張貼留言

Related Posts Plugin for WordPress, Blogger...