一風堂 - 長龍拉麵店

自從半年食前試業時食過之後, 好快一風堂就變左長龍拉麵店, 之後就已經好難揾位再食過, 除非係準時放工後第一時間去攞位啦, 所以半年間衹係幫襯左兩次. 每次都好滿意, 佢地每次都有D新出品, 感覺到係用心經營, 材料新鮮優質, 食得開心又滿足!

枝豆醬油漬($28) - 滋味小食.

拉麵屋漬物($28) - 開胃前菜, 爽脆清新,

芥末蟹肉牛油果伴粟米脆餅($68) - 蟹肉牛油果上邊仲有辛明太子, 整體口感非常軟滑, 鹹中帶鮮甜好平均, 粟米餅勁香脆, 配搭恰當.

味噌豆腐沙律($48) - 材料豐富夾新鮮, 麵豉沙律醬香濃好味, 真滋味.

  

燒明太子釀雞翼($32) - 皮脆肉嫩, 明太子鹹香惹味, 超正. 

酸辣炸蝦($62) - 香辣惹味嘅小食, 送酒一流.

叉燒角包($28) - 似廣東嘅扣肉包, 五花腩入口甘香軟熟, 好味道.

溫泉蛋($10) - 香滑糖心蛋黃, 高質素, 淨食或加在麵湯上食都咁正.

白丸元味叉燒湯麵($68) - 招牌麵食, 濃厚豬骨湯底, 味道濃郁但不膩口, 麵身較幼同爽口, 好味名物.

赤丸新味叉燒湯麵($68) - 豬骨湯底加香蒜油再加辣味噌醬, 味香濃不太辣, 加埋青蔥黑木耳芽菜同半肥瘦叉燒, 一碗配搭完美嘅拉麵. 

Kasane雞湯豬骨湯拉麵($78) - 雞湯+豬骨湯底更加鮮甜香濃, 糖芯蛋高水準, 勁正嘅新菜式.

味噌豬骨湯麵($88) - 豬骨加味噌湯底, 中間嘅薑蒜令湯濃而不膩, 更覺滋味, 日式叉燒粒軟熟甘香, 筍香夾爽口, 係尖沙咀店獨家出品, 一枝棒也.

瀏覽人數 :