越南2012 - 來去匆匆

又係每年一次越南工務之旅, 今次豪D可以坐商務, 國泰同越南航空都坐埋. 始終國泰嘅商務比越南航空優性, 3日行程來去匆匆, 第2日仲要去來回11小時車程嘅"Tan Chau". 衹可以喺第3朝早D起身行吓市場買手信同試吓上次黎食唔到, 原來超好味嘅越式地道三文治, 此外今次都食左好多地道越南食品.

越南航空, 飛機泊得好遠, 要坐巴士同行樓梯上飛機.

越南航空餐前飲品  -  Bloody Mary

越南航空-商務飛機餐, 壽喜燒汁燴牛肉雜菜 , 蝦仁叉燒伴綠茶冷麵, 好豐富, 味道OK啦. 

今日天氣非常好, D雲好似棉花糖.

好快就到越南首都, 胡志明市.

我地住New World Hotel, 商務樓層嘅 Lounge 可以望到市中心嘅IFC.

晚飯去番上次黎食過嘅越南餐廳, 第一道菜係香脆嘅炸蝦角.

魚肉粉卷 - 粉卷內有烤魚肉同蔬菜, 地道夾好味.

紅燒大頭蝦 - 超巨形, 可惜鮮味欠奉.

酒煮芒果 - 堂上即做, 超過15分鍾嘅現場表演, 賣相幾可愛.

晚飯後仲要去Hyatt 個 Lounge 度開枝紅酒4條友開會, 完畢後先可以返酒店(New World Hotel)梳洗休息. 明天長途車七點出發, 所以五點半就要起身. 

New World Hotel 自助早餐 - 六點鐘就到樓下大堂食早餐, 款式其多, 唯時間太少.

New World Hotel 自助早餐 - 再整碗地道越南牛肉粉(Pho), 就要匆匆出發.

出發後2小時, 先到中途站抖抖. 

再過2小時就到碼頭, 搭船過對江小島"登州". 

渡河小輪一到, 人車就一齊擁上.

船上好擠擁, 好在15分鐘就到對面.

到達登州, 先食一餐好簡單嘅午餐, 衹記得有炸魚, 魚爐同生蓮子. 飯後到廠房巡吓, 開左一陣會就走人.

五個半鐘後出番胡志明市, 勁肚饑, 黎呢間越南菜館Indo Chine食晚飯.

Indo Chine 有室內同户外, 我地坐露天, 有 Live Music 好有氣氛.

木瓜蝦豬肉沙律 - 地道沙律, 好開胃. 

蝦春卷 - 香脆小食. 

Pho - 牛肉河D牛肉幾嫩滑, 可惜唔夠湯. 

生蠔伴蒜蓉牛油汁 - 醬汁好香, 但生蠔入口冇嘜鮮味有D驚唔乾淨, 不過佢地成日帶客黎食都冇事啦.

香草蕃茄楊桃蜆肉湯 - 材料配搭好獨特, 味道酸酸甜甜好開胃, 撈飯食一流.

食完返酒店, 行吓附近檳城市場傍嘅夜市.

酒店傍嘅范五老街, 見到IFC夜景.

New World Hotel 大堂.

一早起身未食早餐, 先行去檳城市場(Cho Ben Thanh)買手信.

檳城市場 - 乾貨區.

檳城市場 - 各式各樣嘅地道醬料同漬物, 好多選擇.

 

喺呢間咖啡舖買左一款地道越南咖啡豆"Buon Me Thuot"(VND50,000/100g), 夠香夠濃仲有朱古力味, 勁正.

呢度就買左2盒中華牌盒裝咖啡粉(VND180,000), 同另一款比較貴嘅越南"TRUNG NGUYEN"中華8號咖啡豆(VND65,000/100g), 同樣夠香濃, 少左D朱古力香味, 又另有風味. 

喺呢度就買左3枝60度嘅富國島魚露(VND4,000/250cc), 鹹香鮮味, 點野食超級正.

檳城市場 - 生果熟食區, 好吸引呀.

檳城市場 - 濕貨區, 蔬菜海鮮肉類樣樣齊.

 回程沿范五老街見到有個越式早餐檔幾吸引, 上次黎冇時間食, 今了次一於要買番件越式三文治試吓.

越式公司三文治(VND15,000) - 所有材料都要晒, 肝醬香腸扎肉青瓜蘿蔔元茜辣椒再加魚露, 外脆內軟, 口感同味道都非常豐富, 層次感十足, 好滋味. 食完落大堂再食D自助早餐, 然後去工廠寫字樓全日開會, 下午4點坐車出機場.  

胡志明市機場 - 紀念品專門店, 細細間但貨品齊全, 佢賣中華牌盒裝咖啡粉居然仲平過檳城市場, 今次喺度買左蓮子朱古力同椰子糖做手信.

買完野可以行去越南航空頭等 Lounge 坐住等. 雖然有飲品同食物供應, 但係唔吸引呢!

國泰商務倉 - 回程坐國泰, 感覺舒服D.

餐前飲品 - Oriental Breeze, 酸梅茶+小紅莓汁+青檸+蜜糖+玫瑰水, 賣相好靚同好好飲.

國泰商務晚餐 - 每道菜都逐欵上, 可以慢慢嘆.

香茅燒蝦柚子沙律 - 燒蝦香口鮮味, 柚子椰菜沙律清新, 正.

牛油蒜蓉包 - 香脆好味.

香葉烤鴨伴炒米粉 - 非常惹味, 好吃得很.

士多啤梨雪糕加朱古力 - 優質嘅餐後甜品. 

越南戰利品

瀏覽人數 :