鉅龍 - 龍躉專門店

位於旺角嘅龍躉專門店"鉅龍", 以主打龍躉菜式聞名. 今日3人行一於去試吓, 餐牌上龍躉菜系多不勝數, 反而其他菜式就比較少選擇. 我地今晚都係食番佢嘅招牌菜比較有信心D. 餐廳環境同服務態度都係一般, 唯用料上乘, 出品水準高, 價錢合理, 滿意嘅一餐.

天麻燉龍骨($198) - 材料豐富, 湯頭鮮甜清香, 肯定冇落師傅, 龍躉骨中嘅魚肉喱係整條魚嘅精華所在, 鮮滑無比, 極品嘅滋味.

椒鹽龍躉肝($48) - 外脆內軟, 外層香口惹味, 魚肝軟熟甘香, 送酒一流.

窩燒龍躉扣($268) - 必食招牌菜, 龍躉扣非常特別, 膠質重而爽滑有咬口, 加入姜蔥用石窩爆得極其美味, 其他食店食唔到.

翡翠炒龍躉球($198) - 龍躉球厚肉鮮嫩爽口, 魚味鮮濃, 啖啖肉過足引, 人間美味.

西施泡飯($98) - 魚湯加上海鮮粒做湯底, 奶白鮮濃, 飯粒炸到香脆如米通, 放入湯內一泡, 吱吱聲好有氣勢, 口感豐富扑扑脆, 超好味道.

紅豆沙 - 免費奉送, 水準尚可.

瀏覽人數 :