2012年10月19日 星期五

天香樓 - 舌尖上的杭州

對天香樓真係又愛又恨, 因為佢地出品嘅杭州菜真係宇宙最強, 好食到無朋友, 但價錢勁貴, 每次黎都覺得好奢侈, 正值大閘蟹季開鑼, 今日又心痕痕黎呢度幫襯, 清清地食左四道小菜加半斤花雕埋單近二仟大元, 完美滿足嘅一餐.





店內裝修千年不變, 有多款掛劃同好有特式嘅釀酒呈.




醬蘿蔔 - 開胃爽脆嘅小食.






鹵鴨舌($168) - 鴨舌香軟入味, 天線肉更加滋味, 送酒一流嘅前菜.





特級花雕酒($199/半斤) - 招牌名物, 由小寧波親自兌酒, 將超過25年嘅陳年花雕加入適量6-7年嘅新酒而成嘅特級花雕酒, 入口芳香馥郁, 醇厚易入喉, 勁好飲.




龍井蝦仁($258) - 必食名物, 生拆巨形河蝦鮮嫩爽脆, 加埋清香嘅龍井茶葉, 將味道升華到完美無瑕嘅境界.






冬筍豆苗($188) - 豆苗香嫩, 冬筍清甜爽脆多汁, 加埋薄薄嘅上湯琉璃獻汁吊味, 正到痺.





清炒蟹粉($788) - 響譽數拾年嘅招牌菜, 做得非常出, 衹用大閘蟹膏同蟹身拆肉炒製, 賣相豐盈油潤, 入口軟滑甘香勁鮮味, 宇宙最強嘅美味. 






原盅蟹粉撈飯 - 原盅蒸飯新鮮熱辣香噴噴, 淋上甘香無比嘅蟹粉, 飯粒充滿蟹油同蟹粉, 啖啖都係天下無敵嘅美味.





桂花酒釀丸子 - 新鮮雜果香甜, 桂花清香, 丸子軟糯煙靱, 完美配搭.

瀏覽人數 :



無料カウンター

沒有留言:

張貼留言

Related Posts Plugin for WordPress, Blogger...