Alma Portuguese Grill (驚喜葡國菜)

位於尖沙咀海港城剛剛開了一間葡國餐廳Alma, 餐廳環境簡潔舒適, 店內很多葡萄牙鱈魚及公雞圖案, 非常別緻, 窗外擁有180度維港景色, 坐窗邊位感覺超開揚舒服,  此店大廚曾於葡萄牙米芝蓮一星餐廳工作, 出品傳統正宗葡國菜, 在尖咀返工的我午膳又多一個選擇, 試業期間每日限量100個set lunch, 每位$108 有頭盤,主菜加飲品, 食材優質加上高水準廚藝, 名副其實價廉物美.

============================================================================================

窗邊位坐擁180度維港景色, 感覺開揚舒服. 

玫瑰花茶 - 凍熱偕可, 生果加玫瑰花香氣, 酸中帶甜很好飲, 仲可以無限添飲.

外脆內軟又暖粒粒的豬仔包, 正.

葡萄牙鱈魚及公雞圖案的餐碟非常別緻, 令人胃口大增.

葡式沙律 - 青瓜紫洋蔥番茄生菜甜椒切粒再加入香草碎及橄欖油, 一道清爽開胃的沙律菜.

葡式紅蘿蔔香橙沙律 - 同樣清開胃又營養高的沙律菜.

炸馬介休球 - 魚肉份量比薯蓉多, 香口鬆軟又鮮味.

炭燒霹靂雞翼 - 炭燒雞翼配香辣惹味的霹靂醬汁, 無得輸.

馬介休魚肉伴雞心豆雞蛋沙律 - 馬介休魚肉已去鹹味, 入口清新鮮味, 加入雞心豆及雞蛋便成為一道口感豐富的沙律.

葡式肉腸煎蛋 - 賣相似早餐, 吃時要攪拌流芯蛋黄, 香甜蛋汁與辣肉腸及麵包粒渾為一體, 口感與味道也很平衡.

橄欖蒜片蝦 - 加$15的另一頭盤選擇, 蝦肉香口爽脆.

葡式薄荷雞絲湯 - 淡淡薄荷味配合香甜雞絲湯, 口味獨特的湯.

葡式烤乳豬配炸薯條 - 加$30可選的招牌菜式, 炸薯條勁鬆脆, 乳豬皮薄香脆, 肉嫩香滑有肉汁, 火喉恰到好處, 超級的滋味, 高質素.

炭燒霹靂春雞伴薯條 -  招牌菜式, 炭燒風味沾滿在雞皮上, 雞肉軟滑味美, 蘸上微辣的霹靂醬更覺香濃惹味, 連香脆薯條也可以用霹靂醬取代茄汁, 別具風味.

葡式烤立魚 - 魚皮充滿炭燒風味, 魚肉飽滿軟嫩鮮香, 滋味無窮.

葡式燴墨魚 - 厚切墨魚炆得軟腍有鮮味, 非常正斗.

葡式肉腸牛肚炆雞心豆 - 地道葡國食品, 肉腸牛肚香腍入味, 送飯一流.

葡式八爪魚燴飯 - 飯粒吸收了鹹香鮮味的海鮮湯精華, 味道無懈可擊, 燒八爪魚鮮甜軟腍有口感, 相當精釆的組合.

葡式麵包炒海鮮 - 另一以海鮮湯把麵包炆煮成麥皮般的糊狀菜肴, 做法很特別, 海鮮味道濃烈, 再配上烤魚與蝦同樣鮮味無比, 非常和味.

葡式木糠布甸($25) - 地道葡國甜品, 以慕士狀態代替蛋糕, 非常香軟滑溜, 木糠餅碎令口感更豐富.

肉桂軟蛋糕($25) - 蛋糕入口濕潤, 帶有肉桂香味又不太甜, 伴西梅乾果更能中和味蕾, 美味的飯後甜品.

葡撻($16) - 正宗地道葡國甜品, 酥皮鬆脆無比, 蛋漿香甜軟滑又稠密, 芳香味美.