逸東軒($38米芝蓮點心)

位於油麻地逸東酒店內的逸東軒,  自2008年起經常在星期日到此飲茶午膳, 因為餐廳環境舒適, 食品優質, 服務很好, 價錢合理. 最近得知逸東軒逢星期一至星期五推出$38午市點心抗疫價優惠至3月底, 每款點心一律$38當然要試一試, 仲一共去了3次, 第1, 2次訂位也坐得很舒適, 第3次訂位時已分2個時段, 而且餐檯擺放很密, 因為實在太旺場, 勁多客人的原故, 縱使如此, 但服務態度仍然很好, 點心出品非常優質細緻, 的確物超所值, 在眾多點心中最喜愛的是蜂巢海鮮芋角與合桃叉燒酥, 甘香鬆化, 天下無敵的滋味. 

===================================================

牆邊掛畫亦以飲食作為主題.

大堂坐位比較闊落.

有小火保持茶水溫度, 很貼心.

免費奉送前菜小食 - 迷你版火腩四季豆, 好味道.

筍尖鮮蝦餃 - 扎實飽滿, 蝦筍比例恰到好處, 非常鮮味.

帶子蒸燒賣 - 帶子令燒賣更加鮮甜味美.

黃耳上素粉果 - 餡料清爽, 口感豐富.

瑤柱帶子菜苗餃 - 餡料豐富又滋味.

陳皮牛肉球 - 牛肉優質, 軟滑甜美.

XO醬炒蘿蔔糕 - 蘿蔔糕粒外脆內軟, XO醬的精華已滲入蘿蔔糕內, 香口惹味不太辣, 原價要$90.

瑤柱蒸蘿蔔糕 - 蒸蘿蔔糕食出香甜味道.

香蔥牛肉腸 - 軟滑粉皮加上鮮味牛肉, 醮少量甜豉油, 絕配. 

招牌叉燒腸 - 叉燒是逸東軒的招牌名物, 非常滋味. 

春風得意脆皮腸 - 軟滑粉皮包著香脆蝦春卷, 口感豐富, 勁正斗.

鮮蝦腐皮卷 - 香脆可口不油膩.

蜂巢海鮮芋角 - 外層鬆化, 芋蓉軟糯, 餡料惹味, 天下無敵的美味.

酥皮叉燒焗餐包 - 墨西哥包皮外脆內軟, 招牌叉燒餡無得輸, 高水準. 

合桃叉燒酥 - 合桃甘香酥脆, 入口把香軟酥皮和甜美的叉燒餡渾為一體, 無懈可擊的滋味.

迷你珍珠雞 - 糯米香軟, 北菇雞肉餡好味, 優質又飽肚.