蘇姍娜餐廳(卅年如一的味道)

位於西貢的蘇姍娜餐廳已屹立該區46年, 早前斜對面開了一間裝修較華麗的同名店已結業多年. 趁著今日是邂逅36同時又恢復晚市堂食, 決定入西貢再嚐港式西餐的滋味, 今晚一次食勻蘇姍娜的招牌菜式, 味道卅年如一, 非常滿足又滿意的一晚.

===================================================

屹立西貢46年的蘇姍娜餐廳, 我們也幫襯了差不多卅年.

點了２人套餐$548, 包紅酒或白酒, 夏天我喜愛飲白酒, 清爽微甜有果香.

不喝酒的可揀果汁, 提子汁也是個好選擇.

牛油多士 - 香脆可口, 牛油味夠濃, 正斗.

羅宋湯 - 材料有大量牛肉蔬菜勁豐富, 香濃稠密微酸超好味, 可能是全港最美味的羅宋湯.

酥炸鮮魷 - 外皮鬆脆魷魚肉鮮嫩甜美, 送酒無敵, 超高質素.

鐵板香蒜紅椒酸辣大蝦 - 招牌菜式, 醬汁香辣惹味令人吃不停口, 巨型虎蝦爽彈鮮甜, 蝦膏甘香豐腴, 無懈可擊的滋味. 

鐵板肉眼扒配薯菜黑椒汁 - 招牌必食名物, 鐵板咋咋聲上桌時煙霧彌漫非常好氣氛, 香氣撲鼻的黑椒汁醮傳統厚切的坑紋薯條非常惹味, 優質的肉眼扒七成熟也可以肉嫩味濃郁, 精采演繹出人間美味.

炒飯(+$38) - 飯粒鬆軟不油膩, 是肉眼扒的最佳配搭.

最後飲杯熱檸檬水可以減膩滯及清清味蕾, 完滿的一餐.

晚飯後漫步西貢碼頭, 七夕後的75%月球也很明亮.