大欖千島湖清景台(大棠至掃管笏村)

位於元荃古道中心點的大欖千島湖景色非常怡人, 從前因為要爬岥攀石才可到達靚絕的打卡位所以令我有點卻步, 自從新建成了清景台, 沿途有梯級可直達觀景平台, 趁住今日風和日麗, 選擇了一段比較輕鬆易行的路徑, 由元朗乘車到大欖燒烤場下車, 從大棠出發步行至大欖千島湖清景台, 需時約1小時15分鍾, 再由清景台步行到小欖掃管笏村, 需時約1小時, 最後乘43號小巴到屯門西鐵站離開. 全程6.8公里, 步行連休息約需3小時, 沿途路標指示清晰, 設有流動洗手間, 起點及終點更有大形洗手間超方便.  千島湖清景台擁有270度超開揚的無敵景觀, 俯瞰大欖涌水塘, 風景靚絕, 令人身心舒暢, 真是一條值得推介的山步行路線.

===================================================

大欖千島湖(掃管笏村 - 麥理浩徑第10段 - 黄泥墩水塘 - 大棠)

大欖及馬鞍山郊野公園近日成為城中熱話, 佳因其邊陲地帶將被政府征用作建屋試點, 一段綠化地將被破壞, 今天我們以屯門區大欖郊野公園範圍內的掃管笏村作起點, 行經黄泥墩水塘中途可欣賞大欖千島湖景色, 至元朗大棠離開, 全程約7公里石屎路需時3小時, 除開始不久有一段上200公尺小斜坡有小許吃力外, 其餘路段輕鬆易行. 大欖千島湖景色怡人, 是一條非常值得推介的行山徑.