天外天 - 教學酒店

最近尖東科學館道開左間新酒店唯港薈 Hotel Icon, 係PolyU嘅教學酒店, 服務員好 fresh, 位於酒店頂層28樓嘅中菜廳天外天6月先開. 襯住仲未有咁多人知, 今日回歸假期先去試吓. 環境, 食物, 觀景都好滿意嘅一個午餐.

設計獨特, 入門口有如屋企嘅客廳, 擺左D書籍同工藝品, 令人有一種好悠閒嘅感覺.

 
餐廳環境中西合璧, 好舒服.

落地玻璃設計可睇到維港景觀, 窗口坐位更加視野廣闊, 無敵靚景, 夜景一定更可觀.

醬料齊全, 辣椒醬,豉油同好特出嘅XO醬都有, 仲有兩款餐前小食免費奉送. 

椒鹽魷魚鬚 - 香脆可口, 鹹鮮好味嘅餐前小食.

 

皮蛋酸薑 - 糖芯皮蛋軟滑甘香, 優質貨.

愉耳素粉果($45) - 餡料豐富, 清新爽脆, 口感豐富.

女兒紅帶子腸粉($78) - 口味新穎, 用上女兒紅醃製嘅帶子沾有酒香, 加埋帶子厚肉鮮甜, 入口軟腍啖啖鮮香, 超正.

  

羊肚菌蒸牛肉球($39) - 羊肚菌菌味超香濃, 令牛肉味更加提升.

  

鵝肝豆腐千絲酥($45) - 外皮酥化, 餡料軟綿濕潤, 雖然味道比較淡, 也算甘香鬆化. 

   

鹽香無骨雞($180) - 新鮮雞肉味濃, 嫩滑中帶點鹹香, 皮薄爽口唔肥膩, 高質素.

 

雲丹蟹肉小籠包($48) - 好夠fusion, 海膽+蟹肉+豬肉, 餡料配搭得而, 湯汁豐富, 鮮甜中滲出海膽獨特嘅香味.






瀏覽人數 :