杭州中秋4天遊 (Day 2)

Day 2 西溪濕地 - 梅家塢 - 武林廣場 - 高銀街 - 中山南路美食街

 第二日報左個 local tour 去西溪濕地同梅家塢, 要七點鐘出發, 六點半食小小早餐就喺酒店等, 不過等到七點半先至黎接我地. 去到西溪濕地差唔多八點半.

 入濕地要經過一條竹林小徑.

跟住去碼頭搭電船兜個圈.

濕地環境比人一種寧靜嘅感覺, 空氣超清新, 令人十分舒服, 心曠神怡.

 

30分鍾船程完畢後, 就上岸行吓.

一上岸就見到有生果同零食嘅檔口, 賣嘅都係地道特產.

呢度尤如一個小市集.

 


全濕地最值錢嘅東面就係呢隻船喇, 因為2009年層經喺度拍過電影"非誠勿擾".

 

又直又長嘅水渡, 每逢端午節就會喺呢度舉行龍舟競渡.

行左一陣自由活動時間, 我地就梗係去揾野食啦. 呢間西溪老菜館睇個樣感覺幾好, 一於入去開餐. 

   

西溪老菜館 - 草烤魚(RMB15), 西溪濕地出產嘅魚, 釀入梅干菜再用香草卷住黎烤. 皮脆肉嫩, 香口好味, 第度冇得食.

西溪老菜館 - 片兒川(RMB15), 地道嘅杭州麵食, 雪菜筍片同肉絲爆香後, 再加入粗麵煨煮一陣, 香濃惹味.

西溪老菜館-炒西溪濕地菜(RMB15), 西溪濕地出產嘅菜, 有D似通菜, 爽口同菜味濃郁.

跟住離開河渚街, 係濕地另外一個出口搭電瓶車.

西溪濕地-高莊,  喺河渚街出口搭電瓶車幾分鐘就到.

高莊環境比濕地更寧靜, 每個景都好似一幅圖畫咁靚.


   

旅行團指定到此一遊, 冇嘜野睇及浪廢左成粒鐘時間.

跟住去梅家塢村, 沿途見到好多龍井茶園同農家菜館, 最後黎到呢間茶莊, 有專人教路點揀靚龍井, 仲泡埋茶比你試飲.

梅家塢 - 龍井茶園同農家菜館.

尾站就到市中心武林廣場落車, 行10分鐘就到最熱鬧嘅購物中心, 杭州大厦.

諗住去外婆家食飯, 點知3點已經收檔, 為有去杭州大厦內嘅鹿港茶語, 睇個名都知係主打台灣食品.

   

鹿港茶語 - 鴛鴦山藥(RMB18), 賣相精美, 無論配藍梅同桂花醬都好好味.

  

鹿港茶語 - 炒菠菜(RMB18), 清爽菜味濃.

  

鹿港茶語 - 田雞蛤蜊煲(RMB43), 蛤蜊夠鮮, 田雞就一般, 台式肉燥醬撈飯一流.

  

鹿港茶室 - 蕃茄紅燒牛肉湯麵(RMB32), 好有台灣風味, 牛肉香腍, 麵爽湯濃.

夜晚出發行去高銀街揾食, 因為下午喺武林廣場揾唔到車返酒店, 十分琅珼. 整條街有好多食店, 今晚間間都全店滿座.

  

最後就揀左呢間喺高銀街嘅皇飯兒食晚餐, 主打正宗杭幫菜.

  

皇飯兒-西湖淡啤, 名符其實, 真係好淡, 比生啤還要淡.

   

皇飯兒 - 涼伴海蜇頭(RMB22), 清新爽脆好味.

   

皇飯兒 - 桂花糖糯米蓮藕(RMB18), 杭州地道食品, 軟糯香甜.

   

皇飯兒 - 杭州酥魚(RMB18), 做得香酥入味, 送酒一流, 唯骨多肉小.

皇飯兒 - 火腿青豆(RMB38), 新鮮青豆豆味香濃, 火腿鹹香鮮味, 配搭得而, 無懈可擊.

  

皇飯兒 - 油泡河蝦(RMB41/4両), 游水新鮮河蝦, 肉質爽滑鮮香, 用醬油爆炒份外惹味, 連殼都食埋.

皇飯兒 - 老鴨煲(RMB128), 招牌杭幫菜, 原隻鴨加入筍乾火腿大蔥燉足一天, 所有精華盡正湯內, 味鮮香濃, 滋味無窮.

食飽飽後行吓南宋御街同清河坊一帶, 見到相當有趣嘅立體牆晝.

行到盡頭清河坊就係另一景點, 鼓樓.

 

行過鼓樓就到中山南路美食一條街.

整條美食街小檔口多不勝數, 傳統地道同新派小食都可以喺呢度揾得到. 今日整個行程完畢, 返酒店也.


瀏覽人數 :