新斗記 - 手燒乳豬

記得六年幾前新斗記剛開業時聲勢浩大, 因為注明係佐敦新兜記舊伙記主理, 不過試完之後除左手燒乳豬極美味外, 其他菜式就覺得不及舊店, 而且價錢又不便宜, 所以其後都無再幫襯. 今日又係大食3人組揾食日, 想食傳統粵菜, 所以再比多次機會佢啦. 今日除左食佢地嘅招牌手燒乳豬外, 仲有超好味嘅豉油皇煎巨形海花竹蝦, 其餘菜式都尚算滿意, 食得痛快嘅一餐.

 門前玻璃窗中巳見到師傅正在炮製招牌手燒乳豬, 非常吸引.

招牌手燒乳豬($138) - 即叫即燒嘅必食名物, 上枱時皮下脂肪巳被師傅片走, 芝麻皮極薄又勁鬆脆, 肉香軟而口感嫩滑, 天下無敵嘅味道.

鹵水乳鴿($98) - 鹵水清香不太濃, 乳鴿肉嫩甘香.

清炒西蘭花($68) - 清新爽脆.

豉油皇大花竹蝦($38/両) - 超巨形4頭游水海花竹蝦, 蝦膏甘香, 蝦肉爽口彈牙夾鮮甜, 香口惹味火喉十足, 連殼都食埋, 名符其實人間極物.

花蟹籠仔蒸飯($138) - 蟹仔細細但蟹肉鮮甜充實, 炒飯底比糯米飯底更加清爽, 滋味.

泥鯭粥($68/窩) - 泥鯭巳拆肉去骨, 啖啖粥都有陳皮嘅香同泥鯭嘅鮮味, 正.

瀏覽人數 :