大都烤鴨 - 半隻片皮鴨

位於K11嘅大都烤鴨主打當然係片皮鴨, 本港食片皮鴨嘅食店多不勝數, 都係要成隻order, 但係無麥邊間可以叫半隻, 兩個人食一隻太heavy了, 北京樓都要夾到有第2枱同時叫半隻先可以order. 呢度唔衹可以食半隻, 連其他淮揚菜式都相當有水準, 價錢合理, 滿意嘅一頓晚餐. 

門口有個磚烤爐同掛左多隻烤鴨好吸引, 師傅們正忙住喺度片緊烤鴨, 保証新鮮熱辣.

餐牌圖文並茂, 簡單直接. 

生果($16) - 火龍果同哈蜜瓜都香甜多汁, 好開胃.

片皮鴨($168/半隻) - 即燒即片, 肉香嫩滑有汁, 皮薄脆口冇肥羔, 甜麵醬味不太濃, 恰到好處嘅味道組合, 配料方面包括荷葉餅比一般嘅薄D, 京蔥惹味, 青瓜絲爽脆, 哈蜜瓜絲同紫蘿蔔絲都算係幾特別配搭, 令整體加點清甜多汁, 口感更豐富, 多食都唔覺膩, 勁正. 

野菌炒鴨絲(+$28) - 炒得香口惹味, 越食越滋味. 

牡丹蝦仁($58) - 賣相精美嘅清爽頭盤, 伴陳醋食鮮甜味更突出, 好睇又好食. 

蘿蔔絲酥($36) - 即叫即做新鮮熱辣, 酥皮極薄, 入口鬆化比無, 蘿蔔絲清甜多汁, 超高水準.

貝勒麥皮蕃薯($48) - 另一即叫即做新鮮熱辣出品, 外層好薄, 香甜脆口麥味濃郁, 蕃薯條鬆軟甘香, 天下無敵嘅甜品. 




瀏覽人數 :