Pizza Express - 意大利快餐

位於尖咀嘅Pizza Express, 主打 Pizza菜式, 分厚批薄批同輕盈批, 入門口有個 open kitchen 同大烤爐好吸引, 其實我地都好中意食意大利菜, 因為材料新鮮, 菜式保留原汁原味又不賣弄花巧, 傳統正餐較高雅可以慢慢嘆, 食Pizza就比較causal, 話明 express 就梗係要快, 每次用餐時間個半鍾就要還枱, 此乃時下香港食店嘅獨有怪現象, 因香港寸金尺土租金勁貴, 唯有咁就可以做多2轉生意啦. 幫襯左呢度2次都同樣相當滿意, 材料質優出品高水準, 取價合理, 仲可以欣賞到維港夜景.

無遮無擋嘅維港夜景, 盡入眼廉.

Prosuitto Fava意大利火腿蠶豆火箭菜芝士沙律($58) - 意大利Prosuitto火腿肉香軟微鹹, 新鮮蠶豆軟滑唔粉夠清新, 火箭菜同芝士都味香濃獨特, 味道配搭得好好, 勁正.

San Remo Salad意大利煙火腿沙律($112) - 烤煙火腿肉鹹香脆, 橄欖崧子仁蔬菜沙律清爽口感豐富, 酸忌廉伴沙律同蘸麵包同樣好味道.

Antipas Veg意大利蔬菜精選($68) - 橄欖油烤蔬菜夠清新, 保留原汁原味.

焗磨菇($70) - 芝士焗同蕃茄焗, 火喉剛好保留磨菇汁, 兩者同樣好味, 香軟熱辣嘅意式麵包蘸蕃茄乾醬同香草醬食, 超好味道. 

Spaghetti Frutta Mare香辣海鮮意大利粉($110) - 海鮮材料豐富, 有大蝦青口鮮魷同蜆肉, 意粉明符其實煮得香辣惹味.

Light Gustosa意大利火腿火箭菜芝士磨菇薄餅($130) - 輕盈版食落唔覺 heavy, 薄餅香脆餡料豐富滋味, 軟硬芝士鹹香好味, 火箭菜非常優質, 清新帶點微辛但不苦澀, 加埋陳醋汁嘅香甜味, 勁完美嘅組合.

Dessert Sampler甜品精選($68) - Chocolate Fudge Cake(蛋糕鬆軟朱古力味勁香濃) + Tiramisu(入口濕潤同充滿淡淡嘅芝士咖啡酒香味, 軟滑可口) + Baked Dough Balls(焗麵包球香軟煙韌熱辣辣, 蘸香滑味濃嘅朱古力榛子醬, 無懈可擊)

瀏覽人數 :