海賀 - 鐵板燒

位於尖咀TheOne樓上嘅海賀日本料理, 主打鐵板燒, 一直都想試吓佢地嘅Lunch, book 左幾次都無去食, 今日終於可以一試佢嘅鐵板燒Lunch, 海賀所選嘅材料非常優質, 仲有高水準嘅廚藝,出品好細緻, 除鐵板燒外, 其實和食料理同壽司刺身都唔錯, 依家一個Lunch就可以試芸晒, 每位收貳佰幾都算超值, 非常優質同和味嘅一餐. 

 

餐廳環境優雅, 位於19樓居高臨下, 維港景開揚, 令人心情大靚, 食慾大增.

食鐵板燒當然係坐鐵板燒counter位最好啦, 櫃台內有日本A4級嘅飛驒牛, 勁吸引.

自助頭盤款式多, 出品優質同精緻, 炆牛肉,煙鴨胸同煮免治雞肉, 再加大量唔同煮法嘅優質蔬菜, 原汁原味, 超正.

 

Second round 發現有凍鵝肝, 入口甘香軟滑. Encore埋煮免治雞肉, 留肚食主菜.

鐵板燒鵝肝 - 師傅手勢一流, 外微焦脆, 內甘香嫩滑, 芒果都軟熟香甜, 配埋酸甜醒胃醬汁, 天衣無縫.

鐵板燒鮑魚 - 新鮮鮑魚一客2隻, 起肉除肝去咀烤煮切件上碟, 手勢清趣伶俐, 配牛油清酒汁, Oishi.

鐵板燒牛柳 - 五成熟火喉剛好, 皮香肉甘嫩, 肉汁豐盈, 滋味無窮, 人間美味.

鐵板燒野菜 - 清新爽口, 好味道.

雜錦魚生壽司飯 - 多款魚生都超新清, 有甘甜爽滑, 有魚味鮮濃, 三文魚子更加鮮甘油潤, 配新鮮生磨Wasabi,  天下無敵嘅味道.

味噌汁

日本抹茶 - 師傅私人醒, 清清味蕾無得頂.

自助生果 - 清甜多汁, 優質.

雪糕 - 有柚子雪芭同綠茶雪糕兩款任揀, 柚子清新, 綠茶香濃滑, 兩款都唔太甜, 勁正.

次回預告 - 下次黎就可以試埋另一款嘅"鵝肝龍蝦薄燒牛肉鐵板燒餐".

瀏覽人數 :