自2007年起已經幫襯嘅新志記海鮮飯店, 主打廣東小炒, 鑊氣一流, 好有大排檔風味, 而且仲有幾款時令燉湯, 火喉十足超好味, 價錢公道, 近排試埋佢地嘅海鮮菜式, 非常揀手嘅海鮮加埋了得嘅廚藝, 明附其實優質出品, 喺呢度食海鮮仲好過去西貢, 秋冬時份佢地嘅正宗生炒腊味糯米飯就更加一絕, 非常值得推介嘅一間海鮮飯店.
香脆鹹花生同惹味辣椒豉油喺每枱必備嘅恩物.
川貝枇杷燉鷓鴣($75) - 入口清香, 化痰止咳, 舒服潤喉, 一流.
沙參玉竹燉龍骨($70) - 香甜好味火喉足, 比鉅龍嘅出品更勝一籌, 龍躉脊骨與脊骨之間嘅骨髓膠質精華更甘香滑溜, 無敵嘅滋味.
海底椰淮山杞子螺頭燉雞腳($75) - 火喉十足, 精華盡在湯內, 稠密香濃.
白灼海中蝦($144/8両) - 新鮮海蝦白灼就更能食到原汁原味, 啖啖肉都鮮爽彈牙.
清蒸海中蝦($144/8両) - 開邊蒸好易食, 揀手大蝦隻隻有膏, 入口鮮甜無比.
花雕蛋白蒸紅花蟹($270/15両) - 紅花蟹肉充實爽鮮甜, 蟹膏軟熟甘香, 非常優質, 蛋白嫩滑中滲出鮮甜蟹味同酒香, 撈飯一流, 人間美味.
西蘭花炒班球($138) - 生劏大石班, 入口肉質非常鮮嫰, 火喉準乘, 極品也.
生炒骨($65) - 外脆內軟夠香口, 甜酸醬超醒胃, 碟底無多餘醬汁, 高水準.
竹甫扒豆苗($80) - 時令秋冬菜系, 竹甫唔係周圍有得食, 好味夾特別.
百花煎釀三寶($72) - 蝦膠鮮爽彈牙, 配茄子青椒涼瓜各有風味同口感, 蒜蓉豉汁勁香濃惹味, 送酒送飯佳無敵.
生炒腊味糯米飯 - 正宗生炒, 糯米飯粒粒爽身唔油膩, 腊味材料豐富, 無懈可擊嘅味道, 食一碗巳經非常大滿足.
香脆鹹花生同惹味辣椒豉油喺每枱必備嘅恩物.
沒有留言:
張貼留言