源興美食(咖哩+燒味)

近期飲食男女介紹咖哩主題, 即時想食咖哩飯. 所以今日下午就去食評極度推介位於油麻地街市傍的源興美食一試, 地點都算隱蔽, 連手機GPS都顯示錯地點. 去到巳是兩點後, 原來燒味(叉燒,腩仔同燒鵝)巳經賣完, 咖哩衹可配羊肉(可能因為店主源出自鵝頸橋街市的清真惠記, 此店羊肉咖喱飯同燒鴨飯非常滋味, 卄多年前已一試難忘).  我們在餐牌上看看想想後, 選擇了古法醬汁牛飯同雞飯, 店主提意可加咖哩汁, 一於大膽試吓, 原來咖哩同燒味是非常配合. 因店主堅持食品質素, 燒味要即燒即賣, 所以午市不會留貨到晚市賣, 新店開張不久, 現晚市衹接受預訂服務的私房菜, 不做街客.

地點非常隱蔽, 位於油麻地街市傍.

古法醬汁牛飯($35) - 牛入口香腍軟熟, 非常甘香入味, 加咖哩汁送飯滋味一流, 優質出品.

雞胸飯($40) - 可能我的樣子為食, 店主主動送多幾片叉燒給我, 叉燒香腍好味有嚼勁, 雞乃選用新鮮三黃雞, 肉質爽滑有雞味, 超級水準, 同樣配上香而不辣的咖哩汁, 令人回味無窮.

瀏覽人數 :