日式精進料理(素年)

近年喜愛了食素, 除了傳統素菜, 上海齋, 西式素食無任歡迎, 今日到黃埔試了一間"素年", 主打日式精進料理, 選用香港有機蔬菜, 原汁原味清甜爽脆, 係食素菜嘅新體驗, 非常滿意.

凍斯里蘭卡伯爵茶 - 清爽茶味香.

京都宇治玄米茶 - 入口香濃舒服.

沙律及甘筍南瓜番茄湯($38) - 有機沙律菜超級清甜爽脆, 甘筍南瓜番茄湯香滑好味道.

露筍野菌檸檬刁草意大利粉($88) - 露筍野菌香甜多汁, 檸檬刁草等天然香料作醬汁非常惹味, 令意粉清爽又夠滋味.

梅菜醬椰菜花扒拼烤本地有機野菜($158) - 荷葉梅菜醬椰菜花扒同白粥底配搭新奇, 烤野菜有四色甘筍及本地南瓜伴薑蓉醬, 口感豐富味道多層次, 素菜新體驗.