日本四國櫻花15天自駕遊(2024) - Day 15

Day 15 : JR Clement Inn(早餐) - 高松城跡玉藻公園 - 綾川町道の駅滝宮 - 鰻のへそ鰻魚專門店(午餐) - 高松機場 -  手打烏冬店(晚餐) - 香港機場

Day 15 : 今日要返回香港只得半日行程, 早上到高松城跡玉藻公園, 滿開嘅櫻花真係勁靚, 同第一日嚟睇祗得幾個冧就真係有天淵之別,  中午到道の駅滝宮就係想食多一次上次喺高松中央市場嗰間鰻のへそ鰻魚專門店食多一餐炭燒鰻魚飯, 絕對係一食入魂, 最後到高松機場食番碗烏冬先上機返香港, 結束了15天行程. 今次好彩改了行程, 預留一日在高知追櫻, 盛開嘅櫻花樹真係好靚好優雅, 今個旅程非常豐收滿足又愉快！

朝早浸浸大浴場, 跟著飲啖醒神的梅啤, 爽晒.

太太又完成了高松城跡玉藻公園門前的水彩畫.

到地面餐廳吃自助早餐.

朝食 - 豐富又健康.

早餐後到高松城跡玉藻公園(200円).

上次(Day 1)黎櫻馬場睇櫻花樹時祗得幾個的花冧, 與今日燦爛盛開的景況簡直係天淵之別, 非常優雅的粉紅枝垂櫻.

櫻花襯托下的高松城跡.

一排排滿開的櫻花樹, 已開始有花吹雪的景色.

出機場前要先在高松市入油站.

到永旺夢樂城高松購物中心逛一逛, 冇麥野行速走人.

再到距離機場半小時車程的綾川町道の駅滝宮作最後衝刺.

其實黎綾川町-道の駅滝宮的主要目的就是想再食多次鰻のへそ鰻魚專門店, 因為上次(Day 3)在高松市中央卸売市場內食過了便一食入魂.

鰻のへそ鰻魚專門店, 主打炭燒新鮮日本鰻魚, 今天售賣的是愛知縣出產的鰻魚, 這今店剛開張不久, 地方很大.

鰻丼(半身)(2,200円) - 炭燒鰻魚即叫即燒, 外皮超香脆, 魚肉軟熟鮮嫩, 人間美味. 

鰻三味定食(1尾)(3,900円) - 炭燒鰻魚, 鰻丼, 鰻魚茶漬飯, 一次過滿足三個願望, 超級滋味.

鰻魚茶漬飯 - 配魚湯山葵和紫菜, 味道更有層次.

鰻魚肝湯 - 清甜好味, 正斗. 

在道の駅滝宮買了戰利品.

臨走前在 Ichigo Sweets 買了幸福花嫁果子牛奶軟雪糕(691円), 色彩繽紛的幸福花嫁果子口感香脆, 牛奶軟雪香滑奶味濃, 雙重滋味.

還車後有專車接載我們到高松機場.

高松機場 - 在紀念品店逛一逛.

上飛機前到手打烏冬店吃東西.

餐牌圖文並茂.

腐皮湯烏冬(573円) - 清淡首選.

咖哩牛肉湯烏冬(691円) - 香濃惹味.

香港快運 - 上機四小時後便回到香港. 

戰利品