日本京都紅葉21天自駕遊(2024) - Day 1 (大阪)

自從4月去日本四國睇完滿開盛放嘅櫻花後, 好快就決定11月再去日本睇紅葉, 日本紅葉嘅首選就梗係京都, 我哋喺6月已經先訂定去程大阪機票, 平均每張唔洗千三蚊真係好平。因為知道花期有時會褪遲, 為免錯失了紅葉見傾的機會, 先在網上搜尋今季紅葉見傾的最佳時間, 希望捕捉到紅葉最靚嘅一刻, 最後決定大約要去三星期至12月上旬, 然後才預訂回程機票， 每張大約千七蚊。日本自駕遊真係超方便, 所以今次決定輕鬆啲租足20日車(原來做20日司機真係好鬼攰), 慢慢再規劃詳細行程。 原本有兩日可以去埋尾道和城崎, 但到步第三天開始太太牙肉腫到食唔到嘢, 經酒店都揾唔到牙醫睇, 所以決定再更改行程, 好彩休息多幾日就好番。第一日到步在關西空港附近酒店休息, 然後先去倉敷(2)再到廣島(3); 跟住姬路城(1); 天橋立(2); 伊根町(1); 最後重頭戲就係嵐山嵯峨野(2); 滋賀(3)和京都(5)嘅紅葉景色。 藍天白雲和陽光普照下嘅紅葉見傾畫面真係無敵絕景, 尾站仲加埋大阪嘅勝尾寺, 超多達磨勁有氣氛, 令今個行程更添完美, 豐收大滿足。

Day 1 : 香港機場 - 大阪關西國際機場 - 臨空遊樂城SEACL購物中心 - 大起水產(晚餐) - 星野集團OMO Kansai Airport

我地搭11:50航機, 所以一早到達香港機場, 在敏華冰廳吃早餐.

步行入香港快運, 已經見到正副機長就位.

香港快運飛機餐 - 上海排骨菜飯, 味道普通.

香港快運飛機餐 - 臘味糯米飯, 香濃好味.

飛行時間大約四小時, 到達大阪關西國際機場. 

攞完行李第一時間搭JR南海電鐵由關西空港去臨空遊樂城站, 一個站車費每人370円.

下箸大雨, check-in 酒店後沿全天候通道步行到臨空遊樂城SEACLE購物中心,  逛一逛後選擇在大起水產吃壽司晩餐. 

甜蝦壽司(170円) - 價廉物美.

炙燒鯛魚壽司(350円) 

炙燒貝壽司(290円) - 爽脆好味.

 

吞那魚壽司(470円) - 入口鮮嫩, 魚味濃郁.

大蜆味噌汁(290円) - 大蜆鮮甜美味.

太卷(240円)

三文魚子壽司(390円) - 魚油豐富, 甘甜鮮味. 

比目魚邊壽司(290円) - 鮮甜爽滑.

 

海膽壽司(700円) - 入口鮮甜, 甘香豐膄, 人間美味.

大拖羅壽司(580円) - 油脂豐富, 入口溶化, 鮮味無比.

 

茶碗蒸蛋(170円)

腐皮烏冬

雜錦天婦羅(580円) - 香脆滋味.

食完腍住再行下臨空遊樂城場內商店, 點知原來大部分已關門, 唯有行下藥妝店, 買了枝Body Lotion(525円), 大雨下行返酒店.

星野集團OMO Kansai Airport - 位置在關西空港附近, 房間寬敞舒服, 一晚住宿連早餐收費16,038円.

到大浴場浸完後就返房大覺瞓, 養足精神, 準備明天開始自駕遊.