日本四國櫻花15天自駕遊(2024) - Day 14 (高知縣/香川縣)

Day 14 : Richmone Hotel(土佐料理早餐) - 紅橋(播磨屋橋) - 土佐電氣鐵道 - 高知城 - 大鋸屋橋 - Ramen Monsterz(拉麵午餐) - 紫雲出山 - 父母之濱 - 寄鳥味鳥(骨付鳥晚餐) - JR Clement Inn

Day 14 : 今日係最後一日追櫻行程, 主要集中高知縣和香川縣, 先去高知城和大鋸屋橋, 滿開嘅櫻花和櫻花隧道真係非常震撼, 下晝就去期待已久嘅紫雲出山, 地方超大好彩我哋買咗兩個時段(三小時), 有足夠時間可以慢慢欣賞櫻花，令人心曠神怡, 中途仲包埸(因為冇遊人)拍攝櫻花超開心, 尾站嘅父母之濱天空之鏡景色又係無敵,  黎咗四國14日今日終於食到香川名物骨付鳥晚餐, 真係相當之好味道, 大滿足的一天.

Richmone Hotel 提供半自助式早餐, 仲可以有高知特式的土佐料理選擇.

西式早餐 - 腸仔煎雙蛋伴煮蔬菜, 日本食材冇得輸.

土佐料理朝食 - 稻草炙烤鰹魚(鰹魚半敲燒), 用稻草炙燒出煙燻香氣, 烤到半熟的鮮甜鰹魚肉加埋豐富配料, 別具風味.

早餐後到帶屋町商店街附近逛一逛.

紅橋(播磨屋橋)已經看到櫻花樹.

土佐電氣鐵道 - 很傳統的高知古老電車, 每架車都有非常特別的圖案.

單車是日本人平常的代步工具, 非常環保.

上次黎落大雨冇去高知城, 今日先遊覽高知城, 高知公園是免費對公眾開放, 祗有上天守閣才須付費500円.

滿開的粉紅色櫻花份外優雅.

在高知公園可以遠朓天守閣.

公園內有多棵滿開的櫻花樹.

鐘撞堂.

高知城被選為日本100名城, 也是現存12天守之一, 入場費500円, 今日因要繼續追櫻所以冇上天守閣.

公園內亦有很多羅漢松, 造型充滿生氣.

行完高知城, 攞車離開, 繼續去追櫻.

酒店指定的全自動停車場, 每天收費800円.

下一站到大鋸屋橋, 上次黎睇衹得少少花冧, 今日在堀川運河兩旁滿佈長達1公里盛開的櫻花林, 景色超怡人. 

櫻花隧道般的步道, 以前叫農人町.

增取時間, 在Family Mart 買了燒雞串, 太卷, 腐皮壽司和蔬菜汁(798円)作午餐.

跟著駕車由高知縣高知市的大鋸屋橋到香川縣三豐市的紫雲出山追櫻, 車程大約1.5小時, 途中經過豐浜SA, 入內加加油, 在Ramen Monsterz 吃碗拉麵.

招牌Monster Ramen(1,180円) - 材料豐富好味道.

跟著到達三豐市的大浜漁港, 要先作登記, 其實出發前已在香港網上買了今日的時段, 後來到了四國再加多一個時段, 有連續兩個時段(3,500円)才可夠時間慢慢欣賞紫雲出山的櫻花美景.

車輛在大浜漁港等候, 準備上紫雲出山.

前面山頂便是紫雲出山.

在一個攤檔購買了熟蝦押箱壽司(800円), 好味道.

按攻略提示, 到達紫雲出山山頂停車場, 泊好車就第一時間先行上山頂展望台.

山頂超多櫻花樹, 非常震撼.

滿開的粉紅色櫻花樹, 造出一條環境優美的小徑.

在小徑漫步賞櫻, 心曠神怡.

還有盛開的水仙花.

第一個時段結束後, 所有遊人走晒, 我們買埋第二個時段就可以留低, 包場拍攝勁開心.

日落時份的紫雲出山更加美麗.

太太也剛好完成了她的水彩畫.

回到停車場, 仲可以繼續賞櫻.

最後一站到三豐市的父母之濱, 天空之鏡的確係無敵嘅境致.

追櫻完畢, 回到第一天到四國的地方香川縣高松市, 今次入住JR Clement Inn, 酒店房間簡潔, 窗外對正高松城跡玉藻公園, 景觀非常好, 一晚住宿連早餐收費26,200円.

Check-in 後原本到高松城跡玉藻公園賞夜櫻, 可惜已結束, 步行到高松中央商店街, 選了在這間骨付鳥專門店寄鳥味鳥吃晚餐, 因為上次黎已經見到門口大排長龍, 一定係名店.

寄鳥味鳥主打香川縣名物骨付鳥.

餐牌簡單一頁完, 菜式以居酒屋為主.

可樂(250円)

地魚南蠻漬(550円) - 風味獨特, 送酒一流.

冷豆腐(400円) - 清新軟滑.

番茄沙律(400円) - 香甜味美.

麻婆春雨(500円) - 配搭新奇, 滑溜的春雨(粉絲)與微麻辣透著花椒香氣.

親骨付鳥(1,000円) - 招牌名物, 簡單的調味突出了濃厚的母雞味, 很有咬勁, 所以會給你剪刀.

若骨付鳥(1,000円) - 招牌料理, 嫩雞肉先炸後再火烤,    骨付鳥焦焦脆脆, 皮脆肉汁多, 香川縣必食名物.

梅茶漬飯(500円) - 湯清味醒神, 好吃.

雞肉飯(500円) - 配埋漬物和味噌汁, 飽肚之選.

晚餐後漫步回酒店, 在路上也可以賞夜櫻, 真開心.

JR Clement Inn 酒店大堂.

換上新款浴衣到大浴場浸個靚溫泉, 然後就大覺瞓.