位於尖咀嘅Pizza Express, 主打 Pizza菜式, 分厚批薄批同輕盈批, 入門口有個 open kitchen 同大烤爐好吸引, 其實我地都好中意食意大利菜, 因為材料新鮮, 菜式保留原汁原味又不賣弄花巧, 傳統正餐較高雅可以慢慢嘆, 食Pizza就比較causal, 話明 express 就梗係要快, 每次用餐時間個半鍾就要還枱, 此乃時下香港食店嘅獨有怪現象, 因香港寸金尺土租金勁貴, 唯有咁就可以做多2轉生意啦. 幫襯左呢度2次都同樣相當滿意, 材料質優出品高水準, 取價合理, 仲可以欣賞到維港夜景.
