日本京都紅葉21天自駕遊(2024) - Day 20 ( 京都市/大阪箕面市 )

Day 20 :  Mystays(自助早餐) - 勝尾寺(達摩不倒翁)  - Farmer's Kitchen(田園午餐)  - 新風館 - 錦市場 - 錦天滿宮 - Ganko Sanjo Honten三条本店(日式晚餐)

 

Day 20 : 今日繼續京都賞楓之旅, 大部分心儀嘅京都寺院已經去過, 所以今日決定去遠啲搵到喺大阪箕面市比較人少嘅勝尾寺, 佢最大特色就係寺內佈滿達摩不倒翁, 真係好震撼而且佢個紅葉開得好靚, 配合埋寺院同紅橙綠色的山脊同與藍天白雲, 真係開心到流連忘返. 中午就去勝尾寺附近嘅Farmer's  Kitchen食嘅田園午餐, 充滿大自然嘅風味, 非常清新有創意, 連埋精釆嘅甜品真係一食入魂, 食完行埋個花園農莊真係令人心曠神怡超舒服.之後就揸車返京都, 行下新風館, 因為新風館入面有太太最鍾意嘅Traveler's Factory Kyoto, 喺店內買咗個金屬水彩畫夾, 尾站就去行錦市場, 今日係留喺京都最後一晚, 所以今次去錦市場主要就係買好靚嘅陶瓷碗同匙羹, 仲有印台和保溫襪, 都算大豐收,  行到錦市場的盡頭行埋入邊間錦天滿宮, 跟住行經新京極商店街同三條名店街, 最後在三条河原町搵到一間很正宗嘅日本料理店Ganko Sanjo Honten 三条本店食晚餐, 除了食咗鱈魚白子, 仲食埋黑毛和牛壽喜燒同埋鐵板燒黑毛和牛, 和牛真係天下無敵的美味, 最後飲埋茶壺海鮮湯就夠晒完美, 超開心勁滿足的一日.

酒店自助早餐, 今日好開胃.

酒店全自動停車場, 今早攞車出發.

京都心儀旳賞楓寺院已去晒, 所以今日臨時加插決定去遠啲, 搵到喺大阪箕面市比較人少嘅勝尾寺遊覽, 由京都Mystays酒店駕車1小15分鐘到達. 寺院創建於西元727年, 原名彌勒寺, 自平安時代起便是歷代天皇, 貴族與名人前來參拜祈願的朝聖之地. 元慶四年(880年), 住持行巡為清和天皇祈病痊癒成功, 獲賜勝王寺(かつおうじ)之名, 象徵戰勝王者之意, 後改以同音的勝尾寺作為寺名, 參觀費每人500円. 一進入勝尾寺, 印入眼簾的便是色彩鮮麗, 氣勢恢弘的山門, 門上掛著山號應頂山, 為朱塗二重門樓建築.

鯉のエサやり場 - 放生池周邊眺望到優美的楓紅山景, 秋日晴朗的天空與背後山峰的映照下, 勝尾寺色彩交錯的楓葉宛如一幅畫卷, 連本地人也到來拍攝和服結婚照.

走過淨化之橋後就會來到智慧之環, 這是一座蓮花造型的石環, 位於參道轉角處. 入口處有說明板, 順時針由外而內繞行七圈, 來到中心處許願, 可祈求智慧與煩惱解脫.

智慧之環周圍點綴著花草與達摩雕像, 氣氛寧靜祥和.

放生池有霧氣飄散, 配合紅葉和勝尾寺山門, 很有秋意.

沿紅葉石階級步行上山.

勝ちダルマ奉納棚(勝利達摩奉納棚)是勝尾寺最具代表性的地標, 也是絕對不能錯過的拍照打卡點. 這裡擺放著無數大小不一的紅色達摩不倒翁, 數量之多令人歎為觀止.

  

手水鉢

不動堂(鎮守堂) - 非常密集但整齊的達摩不倒翁像.

朱紅色的勝尾寺本堂鮮麗又顯得莊嚴肅穆.

鐘樓下有枝軍隊咁多嘅達摩不倒翁像, 真係震撼.

本堂位於整座寺院的高處, 勝尾寺內無論是路邊,花叢或祭壇之上, 隨處可見達摩不倒翁像.

無意中拍攝了寺院內的僧人.

多寶塔四週圍也被紅黃綠交雜的楓葉渲染.

首次看見以硬幣作這樣的祈願.

沿路落山遇上紅葉迴廊隧道.

通往弁財天的瀑布(Katsuō-ji Waterfall)

弁天堂 - 弁財天是印度的一位女神(水的守護女神), 本來以為是求財的, 但主要是賜予智慧並幫助人們培養學術, 表演藝術和音樂才能的女神.

放生池與淨化之橋有霧氣飄散, 配合紅橙黃綠的楓葉和勝尾寺山門, 很有意境.

地衣青苔+紅葉地氈+紅葉瀑布+達摩不倒翁, 真係夢幻到不得了, 絕景勁靚, 真開心臨時可以選擇到勝尾寺賞楓, 大滿足.

不經不覺間太太已完成了水彩畫作品.

午餐揀了附近(15分鐘車程)很有特式的餐廳Farmer's Kitchen, 餐廳以園林實景裝飾, 充滿大自然氣息, 非常悠閒舒適.

Christmas Set(2,890円) - 香滑好味的蔬菜忌廉湯.

Christmas Set(2,890円) - 清新爽脆的沙律.

沙律拼盤(1,860円) - 多款田園新鮮蔬菜和花朵, 配搭風乾火腿,雞蛋,芝土,薯仔等製成沙律菜式, 食出食材的原味道.

煙肉磨菇芝士薄餅(1,000円) - 餅底香脆芝士味濃郁, 羅勒葉磨菇煙肉鹹香惹味, 完美的薄餅組合.

Christmas Set(2,890円) - 煙燻蔬菜意粉, 新奇清爽嘅配搭, 好味道.

Christmas Set(2,890円) - 芝士蛋糕, 入口軟糯香甜, 果仁脆脆令口感更豐富, 醮紅梅醬吃味道非常平衡.

吃飽行下餐廳旁的植物花園農莊Farmer's Garden, 令人心曠神怡.

好多聖誕佈置的飾物, 充滿聖誕氣氛.

跟住駕車1小時返回京都, 到新風館廣場逛一逛.

新風館廣場內有酒店和商店, 在TRAVELER'S FACTORY KYOTO 買了一個金屬水彩畫夾(1,400円).

尾站返回酒店泊車, 再步行到錦市場.

在店內買了桔梗唐草陶瓷碗(2,750円)和陶瓷匙羹(740円).   

在店內買了女裝保溫長襪(1,200円), 再到田丸印房買了一個印台(990円).

很快又行完錦市場.

錦市場盡頭處竟然有間錦天滿宮.

再轉到新京極商店街步行至三条名店街. 

歷史悠久的百年老店光昭堂.

今晚到三条河原町揾食.

選了在Ganko Sanjo Honten 三条本店吃晚餐. 

冬季限定鱈魚白子 (1,188円) - 入口軟嫩鮮味,  配埋熱清酒(528円), 很正斗. 

日本黑毛和牛大盛壽喜燒定食 (4,378円) - 定食配埋茶碗蒸蛋和天婦羅夠晒豐富, 超大份量的日本黑毛和牛甘香味美, 配京都蔬菜和烏冬, 超級滿足滋味.

燒黑毛和牛定食 (3,168円) 

前菜 - 京都煮物好美味.

炸物和蒸物 - 天婦羅香脆可口, 茶碗蒸蛋香甜嫩滑.

燒物 - 燒黑毛和牛,  雪花油脂豐富, 入口甘香肉味濃, 天下無敵.

茶壺海鮮湯 (999円) - 材料豐富有魚有蝦和菇菌, 飲埋鮮甜美味嘅茶壺海鮮湯, 完美的一餐和宴. 

晚餐後沿三条名店街返回酒店, 途中在Kaldi咖啡店買了一袋咖啡豆(799円). 

三条名店街大部份商店已關門, 除了大型藥妝店.