陸羽茶室 ( 時令與珍品 )

今日又係要慶祝嘅大日子, 諗左幾個地方食睌飯, 最後揀黎中環陸羽茶室, 因為食得舒服同佢嘅出品保留傳統精髓, 真材實料, 絕不花巧. 今晚除左食佢兩款必食名物"杏汁白肺湯"同"燒雲腿鴿片"之外, 仲食到兩款時令食材"鳳眼果"同" 薑芽"入饌, 祗在這時才有供應, 做出黎嘅菜式同樣有超高水準, 同佢印喺瓷器上嘅標語一樣, 用珍品黎形容都算幾恰當.

樓上嘅露台裝飾好有懷舊氣氛同建築特色, 令到成條街都生息不少.

之前試過坐樓下食睌飯, 今次揀番平時黎飲開茶坐嘅二樓, 份外舒服.

每款醬油都份外出眾.

杏汁白肺湯($140) - 仲有白菜膽,紅棗同陳皮, 杏汁湯香濃滑夠滋潤, 豬肺腍香軟滑, 沾埋D超級好味嘅醬油一齊食就更加冇得彈, 不愧為陸羽珍品下嘅必食名物.

燒雲腿鴿片($230) - 新鮮乳鴿起片快炒, 肉嫩甘香, 炸骨底香脆, 雲南火腿浸上蜜糖後炸完再切片上, 鹹香甜配合天衣無縫, 送酒淨食都天下無敵, 另一珍品下嘅必食名物.

鳳眼果生魚卷($180) - 鮮嫩嘅生魚片卷住雲腿絲, 鮮甜中帶點鹹香, 配鳳眼果都係第一次食, 口感介附銀杏同栗子之間, 好特別嘅時令菜式. 

薑芽咕嚕肉($130) - 山渣酸甜汁醒胃唔搶喉, 時令薑芽清新爽脆有汁, 腩肉做到外脆內軟高水準, 好耐冇食過咁高質素嘅脆皮咕嚕肉喇.

生磨合桃露($35) - 香而不太甜, 濃稠度都恰到好處, 優質嘅飯後甜品.


瀏覽人數 :