2011年2月5日 星期六

神戶淡路島4天自駕遊(2011) - Day 3

Day 3  淡路道の駅, 神戶(有馬温泉, 北野異人館, 元町, 三宫, 神戶港)







朝早起身先浸吓温泉, 然後到餐廳食非常豐富嘅温泉朝食.




朝食完就去Lounge度飲杯咖啡(1,000), 杯同碟嘅鳴門鯛圖案設計得好靚.






ラめ丸足湯嘅地方, 可以一邊浸一邊欣賞住海景同鳴門大橋, 真係諗得周到.





Set 好 GPS做第3日行程, 向神戶市出發.





到淡路島必定要黎呢過道の駅行吓, 入島miss左, 今日行番.






好多淡路嘅農產物品賣.





道の駅內有齊所有淡路島同四國嘅產品售賣.





好有動感嘅玉蔥拉麵, D麵喺度彈吓彈吓.






淡路牛乳雪糕(¥300), 香滑奶味濃.




其實呢個展望台係睇明石大橋全景嘅最佳位置, 可惜今日超級大霧.





  好多地道小食, 見到有D肚餓.







  淡路牛串燒(¥300), 肉嫩甘香好味道.






明石燒(¥500), 同關西八爪魚丸嘅食法有D唔同, 比較清淡.




   
入神戶第一站先去有馬温泉, 原來toll fee 要 ((¥4,300), 好肉赤呀. 有馬温泉區入口有條紅色小橋"おお橋", 跟住全部都係百年老店.





金の湯非常受歡迎.




 可以飲用嘅温泉水, 礦物質超豐富.




有馬温泉街"湯本坂", 好有古江戶時代嘅建築特式. 炭酸煎餅乃用温泉水做嘅燒米餅, 香脆非常.




"湯本坂"內售賣地道產品, 我地都買左昆布漬物同姿松茸(¥2,730).




有馬温泉嘅免費足湯.





有馬温泉區內有間好有特式嘅旅館"花小宿", 改建自百年老店而成嘅復古温泉旅館.




  午餐就喺呢間"全壽庵"度食 Soba, 即叫即造勁新鮮好味.




全壽庵 - 野菜湯蕎麥麵+凍蕎麥麵(¥800), 湯底清香, 麵身爽口, 一熱一凍都有唔同嘅口感.





全壽庵 - 凍蕎麥麵(¥1,000), 麵身比較粗, 超爽彈牙有咬勁, 夠晒QQ, 與配料同醬汁伴食, 好 refershing.






食完麵飲埋杯蕎麥麵水, 有益又健康.





跟住去北野異人館街, "風見雞館"正在維修中, 要行條超級長命斜路, 行到嗌晒救命先到主要景點"魚鱗之家", 門口又唔比影相, 真激氣. 






"萌黃之館"之前係美國總領事住宅.





呢間用車做嘅咖啡店相當得意.




  行到累就要抖抖充吓電, 鹹食嘅Crepe醫肚就剛剛好.




    再食個迷你芝士蛋糕, 香濃軟滑高質素.





由北野物語館改建而成嘅咖啡店StarBucks.




行完北野就落元町揾酒店 Check in, Hotel Tokyu Bizfort嘅大堂設計好有 cyber feel.





酒店房間新淨舒服, 每日連早餐加泊車收費(¥16,100), 地點超方便, 下面就係南京町中華街. 




南京町中華街依加係春節祭, 人山人海, 非常熱鬧, 仲好有過年氣氛.





連片皮鴨都可以造街頭小食每件計, 真係佩服.




先喺"銘記"食左碗炸醬麵(¥300), 幾有水準.




    



再到"庖鼎苑"餃子館排隊買生煎小籠包(¥300), 入口香脆好味高質素.




元町通一丁目商店街.





舊居留地嘅三宮セン夕一街.




  三宮駅傍嘅主街道, 食肆商店臨立, 喺行街嘅好地點.



行完三宮攞車出神戶海港欣賞吓夜景, 神戶港燈塔係港口地標, 海洋博物館同文華東方酒店, 構成一個好靚嘅夜景.






神戶海港內Mosaic購物商場傍嘅遊戲場, 有個50呎高嘅巨型摩天輪. 



睇完夜景就食晚餐, 上次黎神戶時冇食到鐵板燒覺得有D遺憾. 今次喺香港已經訂定位今晚食神戶牛鐵板燒, 雪月花仲係米芝蓮1星店, 非常正宗.





衹用優質嘅神戶牛造菜, 貨真價實, 絕無花巧, 食得放心.




    全店衹得12個位, 唔訂位一定冇得食.





地道 Asahi 生啤(¥600),  啤啤佢先.





梅酒凍飲(¥600), 酸酸地好開胃.






點神戶牛專用嘅日式醬汁.






先付 - 凍豆腐, 口感幾特別, 完全唔似食緊豆腐.





沙律 - 清爽.




  燒五色蔬菜 - 小師傅落足心機慢火細烤, 香口好味.





我地叫左二份神戶牛定食(¥25,200), 一份要200g嘅肉眼扒, 另一份要160g嘅西冷扒, 二種肉質一次過食晒. 





Medium嘅肉眼扒, 火喉剛好, 肉芯帶粉紅, 入口甘香肥美, 腍嫩肉汁豐盈. 蒜片衹作裝飾, 配竹炭鹽就更能帶出肉味, 人間美味.






Medium嘅西冷扒烤得恰到好處, 同樣肉芯帶粉紅, 入口甘香多汁冇渣, 比肉眼扒肉味更濃口感更佳, 味道天下無敵. 山口智弘師傅的確有大師風範, 專注同細緻嘅刀工同廚藝, 絕不賣弄花巧, 米芝連1星名廚真係當之無槐.





神戶牛油渣炒野菜, 比豬油渣更加香濃嘅牛油渣, 令到D炒野菜更甘香好味. 



神戶牛肉碎炒飯, 小師傅慢火用心地炒足十幾分鍾至成, 衹用肉碎,蒜蓉同雞蛋, 米飯炒得粒粒甘香, 既精采又勁好味.





甜品 - 温室士多啤梨蘋果橙, 將完美嘅米芝蓮神戶牛鐵板燒大餐作個句號. 真係非常滿足同大開眼界. 




瀏覽人數 :


無料カウンター

1 則留言:

  1. 即係赤毛牛今次唔使預你.... 我無車牌喎.找個人會搓車先....

    回覆刪除

Related Posts Plugin for WordPress, Blogger...