今個農曆新年日本之旅, 籌備左大半年, 原本主打四國自駕遊, 因中途有所改變, 原定6日行程變為4日, 四國改為兵庫縣嘅神户市加淡路島, 早去晚返都幾悠閒, 仲比原定嘅做多左行程, GPS真係超好用, 4日行左580km. 今次揀左兩間淡路島嘅温泉旅館都各具特式, 露天個室風呂勁正, 温泉料理更加無敵, 3年大嘅河豚料理 + 嗚門鯛姿造會席料理, 仲有原條嗚門鯛魚素麵, 淡路牛會席料理, 真正地產地食, 最滋味就梗係喺食正宗神户牛鐵板燒, 仲係米芝蓮1星店雪月花, 貨真價實絕無花巧, 大開眼界. 今年¥嘅滙率真係勁高, 0.095都幾肉赤呀.
Day 1 神户(新田長), 淡路東海岸(岩屋,志筑,洲本,黑岩)
今次搭零晨1:30機, 好在機場新開左翠華, 上機前可以先醫肚,機場都好有過年氣氛.
展望台上, 可以見到洲本温泉區同大浜海水浴場嘅大阪灣, 好開揚舒服.
原本想去広田梅林ふれあい公園睇梅花林, 但GPS認唔到電話地址, 改去白川水仙鄉都係冇嘜水仙睇, 好在最後决定去埋遠遠嘅"灘黑岩水仙鄉", 梅花挑花水仙都好壯觀, 超正.
梅花盛開.
見到桃花就諗起農曆新年.
去到農產品市場, 買左一袋6個柑(¥350), 清甜多汁, 高質素.
跟住去一間大型超級市場入D貨就去旅館 check in.
洲本温泉ホテルニューアワジ(¥59,825) - 原本10叠海景和室 upgrade 左做12叠.
先坐底飲杯茶, 食D銘菓, 然後去第1個大浴場浸浸.
晚餐我地book左食河豚料理, 用特選3年大嘅活河豚做出多款菜式.
先付 - 河豚皮沙律, 爽脆開胃.
前菜 - 八爪魚醬油煮, 肉厚軟腍入味, 好有嚼口.
剌身 - 晶瑩剔透有光熠嘅河豚剌身, 入口爽滑鮮香甜美, 極品中嘅極品.
水仙花開到成山都係, 花香揚溢, 勁精釆, 不枉此行.
沒有留言:
張貼留言