李錦基 - 傳統越南菜

位於油麻地嘅李錦基越南餐廳巳開業多年, 主打傳統越南菜, 好耐之前去美國L.A.旅行時巳試過佢地出品. 而油麻地店就幫襯過好多次, 佢地選用嘅食材好優質, 煮法夠地道同好用心, 每次食完都感覺非常滿意, 物有所值.

   

青檸梳打(HK$20) - 清新冰涼又好飲.

蝦仁豬肉米紙卷(HK$40) - 口感豐富, 非常健康同開胃嘅小食.

扎肉蒸粉卷(HK$48) - 粉卷細細件好精緻, 好味嘅地道食品.

 

生熟牛肉湯河(HK$35) - 湯底香濃+配料充足+牛肉鮮嫩=非常正宗嘅生牛河.


  

火車頭河粉(HK$36) - 生熟牛肉,牛拍葉, 牛丸牛腩樣樣齊, 大滿足.

   

香茅豬肉撈檬(HK$35) - 豬肉燒得香口惹味, 檬粉加上地道醬汁特別開胃, 正.

 

咖哩牛腩飯(HK$44) - 咖哩香濃不太辣, 配飯同法包都同樣滋味.

   

燒香茅牛肉/豬肉蒸蛋飯(HK$50) - 無論牛肉或豬肉都燒得香口惹味, 蒸蛋軟熟同鹹香, 送飯一流, 超級無敵嘅碟頭飯. 

馬拉盞炒通菜($48) - 通菜爽口, 炒得香辣惹味, 超正.

  

干炒海鮮河(HK$68) - 河粉炒得夠透夠獲氣, 蝦球同魚片都好新鮮, 色香味全, Yummy Yummy.

瀏覽人數 :