2011年11月16日 星期三

超級美食日



超忙碌, 午就去周大福攞金條, 午要去中環恆生總行頂樓食飯, 晚上要去灣仔Grand Hyatt出席日本大老闆生日party. 而且仲好有食神, 恆生頂樓嘅蛇羹同意大利西北部Piedmont地區內Alba小城出產嘅新鮮白松露菌都係第一次食到, 真正名符其實嘅人間美味.


一公斤嘅金條都係首次見到, 實物比想像中細同薄, 同部 IPhone 差唔多, 不過超墜手, 手感一流, raw 同好有質感. 46萬嘅生日禮物, 我都有份贊助架, 真係出錢又出力.







中環恆生總行頂樓嘅博愛堂
, 掛有國父孫中山先生嘅真迹. 呢度嘅蛇羹超出名, 上次黎食lunch未有機會, 今日終於可以一試, 果然名不虛傳, 湯底香濃, 刀工幼細, 入口香滑鮮嫩冇得彈
.




Grand Hyatt : 八寸 - 好有懷石料理嘅感覺, 賣相超精美, 材料豐富夾優質, 好睇又好食




Grand Hyatt : 海膽魚子醬Cream Brulee Jelly - 海膽甘甜味美, 魚子醬鹹香鮮味, 齒甲留香, 中層嘅Cream Brulee 香滑軟綿, 底層嘅 Jelly 爽滑, 層次感非常豐富







Grand Hyatt : 手製意粉伴Alba白松露菌 - 白松露菌仲多過D意粉, 睇見都好開心. 桌前即刨嘅白松露菌, 香味獨特, 紛芳濃郁, 菌香撲鼻, 入口不太濃烈, 天下無敵嘅超豪美味  





Grand Hyatt : 蘋果雪杷 - 賣相精美, 夠晒清新, 食主菜前用黎清清味雷就最正.







Grand Hyatt : 烤牛仔柳伴野菌
火候恰到好處, 粉紅色肉芯又無滲出血水, 超高水準, 肉質腍嫩香味, 野菌配菜同樣優質, 真正色香味全.






瀏覽人數 :

無料カウンター


沒有留言:

張貼留言

Related Posts Plugin for WordPress, Blogger...