地表最強沙茶牛肉炒粿條(和昌潮味館)

位於深水埗區內的和昌潮味館, 主打正宗潮州菜, 用料優質新鮮, 午餐款式多同好味, 其中沙茶牛肉炒粿條更是一食入魂, 性價比全港最高.  

小店裝修簡單.

石橄欖湯 - 每天供應唔同款式嘅例湯, 呢款石橄欖湯比較特別, 清熱養陰, 潤肺生津, 入口甘香, 第度飲唔到.

滷水鵝片飯($63) - 鵝肉軟嫩, 甘香味美, 必食名物.

鵝三味($75) - 招牌名物, 鵝腸爽脆, 鵝肝軟糯甘香豐膄, 鵝肉嫩味美, 滋味無窮.

滷水牛面珠拼大墨魚飯($93) - 牛面珠軟腍甘香, 肉味濃郁,  滷水大墨魚片超鮮味, 非常優質.

豆醬蒸黃腳鱲($75) - 黃腳鱲肉嫩鮮甜, 醮鹹香豆醬吃味道非常平衡, 恰到好處.

蠔仔方魚肉碎粥($55) - 湯底鮮甜, 蠔仔鮮嫩, 方魚香脆惹味, 正斗. 

吃潮州粥會配上蒸粿 - 最愛就是菜莆粿和筍粿.

三鮮炒魚麵($65) - 蝦球同魷魚都非常新鮮, 魚麵炒得乾爽惹味.

沙茶牛肉炒粿條($70) - 沙茶醬超香濃惹味, 牛肉鮮嫩有口感, 芥蘭爽脆, 精釆嘅配搭, 必食名物.