日本京都紅葉21天自駕遊(2024) - Day 17 ( 京都市 )

Day 17 :  清水寺 - 料理旅館花樂(京朝食) - 東福寺(通天橋紅葉雲海) - 金閣寺(舍利殿金閣) - Itadaki洋食(午餐) - 清水寺(清水の舞台紅葉見頃) - 京都塔 - 京都駅 - 洋麵屋五右衛門(晚餐)

Day 17 : 今天是正式京都賞楓之旅的首天, 未天光就要上清水寺等日出, 可惜日出後都冇太陽光射落去啲紅葉處(有點失色), 失望之下返酒店食早餐, 作為料理旅館佢嘅京朝食非常出色, 精彩豐富優質又好味, 食完早餐就去京都賞楓首選嘅東福寺(通天橋), 景色真係好震撼, 色彩繽紛五顏六色嘅紅葉雲海盡在眼前, 真係最具代表性嘅紅葉美景之一, 跟住就到金閣寺(十多年前嚟過), 但係今次加埋紅葉同埋藍天白雲嘅鏡湖倒影, 添加了更浪漫嘅景緻, 之後在金閣寺附近嘅Idataki洋食食到好新鮮美好味嘅炸大蝦, 生蠔仲有炸豬扒, 香脆好味, 漢堡牛扒亦非常優質, 好滿足. 下午趁住陽光普照獨自一人揸車再去清水寺, 今次終於影到清水の舞台紅葉見傾嘅華麗場面, 非常壯觀同震撼, 匆匆影埋三重塔配埋紅葉嘅美麗景色, 真正完美地結束清水寺行程, 夜晚就去京都駅睇下京都市地標嘅京都塔, 仲上埋塔頂睇京都夜景, 喺遊客中心見到紅葉情報知道開始大部分主要景點都紅葉見傾, 非常地期待餘下嘅紅葉旅程,  最後喺京都駅上嘅洋麵屋五右衛門食咗帶有意大利風味嘅麵食同甜品, 超好味道, 非常豐富滿足又完美的一天.

大清早起身, 為了被開人群就首先去清水寺等晨光第一線, 如果由酒店步行16分鐘(大部份斜路)就去到, 但太太一齊去所以就駕車上清水寺, 其實塞車加埋揾位泊車時間上無嘜分別, 不過可以保留體力放心追楓.

清水寺與金閣寺和嵐山齊名, 同為千年古都京都的三大名勝, 是京都最具代表性的熱門景點之一. 寺院內有許多歷史價值極高的精彩看點, 包括被指定為國寶和重要文化財產的建築物等, 非常值得一遊. 我們早上六點半己到達清水寺正門入口仁王門.

過了三重塔, 便要在轟門付參觀費, 清水寺參觀費每人500円.

第一時間到清水寺本堂, 在阿彌陀堂前有石階, 全部都係紅葉見頃的打卡位.

清水の舞台 - 清水寺的懸空舞台, 由139根粗大的櫸木支撐, 完全不用釘子建造而成. 它高約12至13公尺, 建在懸崖之上, 可遠眺京都市景和京都塔. 以為有晨光第一線照射下紅葉見頃的清水の舞台景色, 可惜日出後陽光還是照不到, 帶著失望的心情下離開.

清水坂和産寧坂 (三年坂), 早上人潮較小.

返回料理旅館花樂, 吃早餐(京朝食), 有九款優質的京漬物. 

豆乳豆腐窩, 飲得又食得, 豆香味超濃郁.

燒紅魚一夜乾, 鮮香美味.

煎三式蛋卷, 有原味, 海苔和鰻魚, 蛋卷香甜軟熟有汁, 最愛很鮮的鰻魚味, 仲encore佐多兩件, 滿足.

最後的時令生果和香滑濃郁咖啡, 非常完美的京朝食, 不愧為料理旅館.

吃飽早餐便出發, 第二站到京都賞楓名所首選東福寺, 創建於1236年的東福寺, 以祀奉釋迦牟尼佛, 觀音跟彌勒菩薩為主. 每年秋天楓葉季節總是吸引大批的人潮前來, 參觀費(通天橋與開山堂)每人600円.

東福寺內紅葉見頃, 庭園的紅葉以紅黃橙三色交相輝映, 色彩繽紛, 鮮豔而優雅的秋色和氛圍, 非常精釆.

通天橋是東福寺從佛殿本堂到開山堂(常樂庵)之間架起的橋廊, 從通天橋望向臥雲橋, 彷彿漂浮在一片紅海中, 超過2000棵紅楓, 構成非常立體的紅葉雲海, 層次分明,  夢幻美絕的紅葉場景 , 亦是東福寺賞楓期時具代表性的美景之一.

沿參拜路線來到開山堂(常樂庵), 有江戶中期的開山堂普門院庭園.

從臥雲橋望向洗玉澗, 可以欣賞到如瀑布般傾瀉而下的落楓美景, 五顏六色絢麗多彩的楓葉地氈覆蓋於洗玉澗上, 美不可言喻的賞楓秘境.

紅黃橙三色楓葉寫真.

下一站到世界文化遺產金閣寺(鹿苑寺), 參觀費每人600円.

參拜方向為迴遊式單向通行, 入口出發後無法反向調頭。

最值得推薦的旅遊時節當屬秋天, 火紅的楓葉與金光閃閃的金閣舍利殿倒映在鏡湖池水面上, 絢麗多彩的浪漫景緻令人陶醉.

舍利殿金閣是一座高12.5公尺的三層建築, 二樓和三樓的外牆上張貼著約20萬枚10.8公分見方的金箔片, 舍利殿是存放佛祖釋迦牟尼或後世高僧舍利子的建築. 舍利殿屋頂上裝飾有一隻鍍著黃金的鳳凰雕像. 鳳凰在陽光下熠熠生輝, 徵著永恆的生命和權利, 同時也表現了祈求和平的願望.

龍門の滝出現彩虹.

金閣寺(鹿苑寺)曾多次遭受災難性的破壞, 最後於1955年重建, 不動堂是金閣寺現存最古老的建築, 堂內供奉著兩尊不動明王像, 兩尊佛像都被指定為重要文化財產.

遊覽完畢到附近Itadaki洋食餐廳吃午餐. 

炸生蠔大蝦定食(1,350円) - 香脆好味高質素.

炸豬扒漢堡牛扒定食(1,500円) - 炸豬扒皮脆肉嫩, 漢堡牛扒軟腍滋味, 餸飯超無敵.

趁住陽光普照, 下午再駕車到清水寺, 仁王門已勁多人.

第三次到清水寺其他地方已經唔洗行, 直接到清水寺本堂, 紅葉見頃藍天白雲下的彩色世界, 阿彌陀堂和奥の院也變成為豔麗奪目的絕景.

輪候大約15分鐘後, 第三次站立在奥の院前平台, 終於欣賞到藍天白雲下紅葉見頃的清水の舞台景色, 一片紅海華麗亮眼, 非常壯觀, 震撼和興奮.

重建於1631年的國寶清水寺本堂和祈求姻緣幸福的栗光稲荷大神(已關閉).

清水寺的楓葉營造出一種充滿禪意的美景.

清水寺地標三重塔 - 始建於847年高約30公尺, 是日本最大規模的三重塔, 現在看到的是於1632年重建的三重塔, 楓樹與三重塔同框的景色特別美麗.

水中倒映的紅葉三重塔美景.

快閃下匆匆離開, 祥雲青龍像.

完美地結束清水寺行程, 回到仁王門已越來越多人.

現時的清水坂和産寧坂 (三年坂)已人滿之患.

晚上到京都駅逛一逛, 京都塔是市內地標.

遊客中心有提供京都紅葉情報, 今天開始大部份景點已紅葉見頃, 心情大靚.

登上京都塔(KYOTO TOWER SANDO)可欣賞京都市夜景, 入場費每人900円.

京都市開揚的四週夜景.

京都駅內有超多食肆, 花多眼亂, 最好方法是看那一間多人幫襯.

最後揀了洋麵屋五右衛門.

餐廳提供很多菜式選擇, 揀季節限定菜式就包無錯啦, 加530円就有埋沙律餐湯飲品和甜品認真抵.

Ginger Ale, 清爽開胃的飲品.

餐湯和蘿蔔絲沙律.

番茄奶油魚湯配冬季蔬菜和海鮮義大利麵(1,350円), 材料新鮮又豐富, 超好味道的意式燴意粉.

奶油湯配蝦子腐竹和磨碎的聖護院蘿蔔義大利麵(1,350円), 材料優質, 奶油湯底香滑帶點意大利風味, 非常豐富又滋味的湯麵.  

焦糖燉蛋配咖啡雪糕, 焦糖香脆可口, 燉蛋軟滑香甜, 伴咖啡雪糕口味容和.

朱古力心太軟配雲妮拿雪糕, 香濃流心朱古力醬加鬆軟的朱古力蛋糕, 配雲妮拿雪糕是一道經典的甜品, 作為完美一餐的句號.